പ്രധാനമന്ത്രി നരേന്ദ്ര മോഡിക്ക് രാജ്യത്തെ വിദ്യാര്‍ഥികളുടെയും യുവാക്കളുടെയും കാര്യത്തില്‍ പ്രത്യേക താത്പര്യമുണ്ടെന്ന് മന്ത്രി പറഞ്ഞപ്പോഴാണ് വിദ്യാര്‍ഥികള്‍ കൂവിയത്. പരീക്ഷാ പേ ചര്‍ച, മന്‍ കീ ബാത് തുടങ്ങിയ പരിപാടികളിലൂടെ നിരന്തരമായി പ്രധാനമന്ത്രി സംവദിക്കുന്നുണ്ടെന്നും യുവാക്കള്‍ക്ക് വെല്ലുവിളികള്‍ നേരിടാന്‍ പ്രധാനമന്ത്രി ധൈര്യം പകര്‍ന്നുവെന്നും മുരളീധരന് കൂട്ടിച്ചേര്‍ത്തതോടെയാണ് കൂകല്‍ ശക്തമായത്.
ബിരുദ ദാന പരിപാടിയില്‍ കേന്ദ്ര സര്‍കാരിനെയും മോഡിയെയും വാനോളം പുകഴ്ത്തിതും പരിപാടിയില്‍ രാഷ്ട്രീയം പറയാന്‍ തുടങ്ങിയതുമാണ് കൂവലിന് കാരണമെന്നാണ് വിദ്യാര്‍ഥികള്‍ സൂചിപ്പിക്കുന്നത്. നേരത്തെ വിദ്യാഭ്യസ സഹമന്ത്രി സുഭാസ് സര്‍ക്കാരാണ് പരിപാടി ഉദ്ഘാടനം ചെയ്തത്. കേരളത്തിലെ മന്ത്രിമാരെയും എംപി, എംഎല്‍എമാര്‍ അടക്കമുള്ളവരെയും പരിപാടിക്ക് ക്ഷണിക്കാതിരുന്നത് വലിയ പ്രതിഷേധത്തിന് ഇടയാക്കിയിരുന്നു. കേരള സര്‍വകലാശാലയുടെ പരിപാടി ബിജെപി മേളയാക്കി മാറ്റിയെന്ന് വിദ്യാര്‍ഥികളും കോണ്‍ഗ്രസ് അടക്കമുള്ള രാഷ്ട്രീയ നേതൃത്വങ്ങളും ആരോപിച്ചിരുന്നു. എംപിയെ ക്ഷണിക്കാതിരുന്നതിനെതിരെ രാജ്മോഹന്‍ ഉണ്ണിത്താനും കാസര്‍കോട് ഡിസിസിയും രംഗത്തുവന്നിരുന്നു.
Keywords: V Muraleedharan, News, Kerala, Kasaragod, Periya, Central University, University, Top-Headlines, Video, Politics, Political-News, Political Party, BJP, Narendra-Modi, V Muraleedharan Booed By Students.
< !- START disable copy paste -->