കേരള സര്‍കാരിന്‍റെ പൊതുമേഖലാ സ്ഥാപനമായ സപ്ലൈകോ, മാവേലി സ്റ്റോറുകള്‍, കൂടാതെ സര്‍കാര്‍-അര്‍ധ സര്‍കാര്‍ സ്ഥാപനങ്ങൾ എന്നിവിടങ്ങളിൽ ജനപ്രീതി നേടിയ പാര്‍ശ്വഫലമില്ലാത്ത ഉത്പന്നം എന്ന മാനദണ്ഡത്തിലാണ് മൈ കെയര്‍ അഗര്‍ബതി ഈ അവാര്‍ഡിന് അര്‍ഹരായത്. വിരമിച്ച ഉദ്യോഗസ്ഥർ അടങ്ങിയ നാലംഗ ജൂറിയാണ് അവാർഡ് ജേതാക്കളെ തെരഞ്ഞെടുത്തത്.
2022ല്‍ ഏറ്റവും കൂടുതല്‍ വിറ്റുവരവ് നടത്തിയതിന് ബെസ്റ്റ് സെയില്‍സ് അവാര്‍ഡ് നേടിയ കണ്ണൂര്‍ സപ്ലൈകോ പീപിള്‍ ബസാറിന് വേണ്ടി വി നിഷാന്തിനെയും, കാസര്‍കോട് സപ്ലൈകോയില്‍ 31 വര്‍ഷം ജോലി ചെയ്ത് മികച്ച മാനജർക്കുള്ള അവാര്‍ഡ് നേടിയ ജമാലിനെയും പൊന്നാടയും ഉപഹാരവും നല്‍കി അനുമോദിച്ചു. സ്റ്റാര്‍ ഓഫ് കേരളയുടെ വുമണ്‍സ് വിംഗ് ചെയര്‍മാന്‍ സോനു രതീഷ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ജയമോഹന്‍ കെഎസ്, ഡോ. ജെ അജിത കുമാരി, രാഗില്‍ എന്‍എ, ദിനേശന്‍ തെക്കുമ്പാട് എന്നിവര്‍ക്കും ഉപഹാരം കൈമാറി.
സ്റ്റാര്‍ ഓഫ് കേരള ജെനറല്‍ സെക്രടറി എസ് സുരേഷ് കുമാര്‍ അധ്യക്ഷത വഹിച്ചു. ഡോ. വിപിപി മുസ്ത്വഫ, വിനയകുമാര്‍ തുടങ്ങിയവര്‍ സംസാരിച്ചു. സപ്ലൈകോ ഡിപോ കസ്റ്റോഡിയന്‍ ഓഫീസറും എസ്എന്‍ഇഎ സംസ്ഥാന പ്രസിഡന്‍റുമായ ആര്‍ വിജയകുമാര്‍ മുഖ്യപ്രഭാഷണം നടത്തി. സതീശന്‍ കെഎസ് സ്വാഗതവും സുരേഷ് ബാബു നന്ദിയും പറഞ്ഞു.
Keywords: Kannur, Kerala, News, Top-Headlines, Award, MLA, Government-of-Kerala, Kasaragod, My Care, Star of Kerala Gold Medal Award for My Care Agarbati.