Arrested | ഓടോറിക്ഷയില്‍ കടത്തുകയായിരുന്ന കഞ്ചാവുമായി മധ്യവയസ്‌കന്‍ അറസ്റ്റില്‍; കുട്ടികള്‍ക്കടക്കം ലഹരിമരുന്ന് വിതരണം ചെയ്യുന്നയാളെന്ന് പൊലീസ്

കാസര്‍കോട്: (www.kasargodvartha.com) ഓടോറിക്ഷയില്‍ കടത്തുകയായിരുന്ന കഞ്ചാവുമായി മധ്യവയസ്‌കന്‍ അറസ്റ്റില്‍. കാസര്‍കോട് പൊലീസ് സ്റ്റേഷന്‍ പരിധിയിലെ ഹാരിസിനെ (48) യാണ് കാസര്‍കോട് സിഐ പി അജിത് കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. കെഎല്‍ 14 എല്‍ 4216 നമ്പര്‍ ഓടോറിക്ഷയില്‍ നിന്നാണ് 1.45 കിലോ ഗ്രാം കഞ്ചാവുമായി ഇയാള്‍ പിടിയിലായത്.
        
കുട്ടികള്‍ക്കടക്കം ലഹരിമരുന്ന് വിതരണം ചെയ്യുന്നയാളാണ് ഹാരിസെന്ന് പൊലീസ് കാസര്‍കോട് വാര്‍ത്തയോട് പറഞ്ഞു. അടുത്തിടെ കഞ്ചാവ് ബീഡി വലിക്കുന്നതിനിടെ പിടിയിലായയാള്‍ നല്‍കിയ വിവരത്തിന്റെ അടിസ്ഥാനത്തില്‍ പൊലീസ് രഹസ്യമായി നടത്തിയ നിരീക്ഷണത്തിലാണ് ഹാരിസ് പിടിയിലായത്. മയക്കുമരുന്ന് കേസില്‍ നേരത്തെയും പിടിയിലായിട്ടുള്ള ഇയാളെ കോടതി ശിക്ഷിച്ചിട്ടുണ്ടെന്നും പൊലീസ് അറിയിച്ചു.

എസ്‌ഐ വിജയന്‍, സാജു, സജേഷ്, ജെയിംസ് എന്നിവരും മയക്കുമരുന്ന് വേട്ട നടത്തിയ പൊലീസ് സംഘത്തില്‍ ഉണ്ടായിരുന്നു. ഹാരിസിനെ കോടതിയില്‍ ഹാജരാക്കി റിമാന്‍ഡ് ചെയ്യും. < !- START disable copy paste -->