ഹൈദരാബാദിലെ നാഷണല്‍ ഇന്‍സ്റ്റിറ്റിയൂട് ഓഫ് അഗ്രികള്‍ചറല്‍ എക്സ്റ്റന്‍ഷന്‍ മാനജ്മെന്റ് (MANAGE) സ്‌പോണ്‍സര്‍ ചെയ്ത കോഴ്സില് അവസാന 15 ദിവസത്തെ പരിശീലന പരിപാടി വാരണാസിയിലെ ഐസിഎആര്‍ (ICAR) സ്ഥാപനമായ ഐഐവിആറില്‍ (IIVR) ആണ് നടന്നത്. വിവിധ സംസ്ഥാനങ്ങളില്‍ നിന്നെത്തിയ കൃഷി ഓഫീസര്‍മാരുമൊത്തുള്ള പരിശീലന പരിപാടി ഹൃദ്യമായ അനുഭവമായിരുന്നുവെന്ന് ഹംശീന കാസര്‍കോട് വാര്‍ത്തയോട് പറഞ്ഞു. പച്ചക്കറിയാണ് ഹംശീന കോഴ്സില് തെരഞ്ഞെടുത്ത മേഖല. വിവിധ നൂതന ഉല്‍പാദന സാങ്കേതികവിദ്യകളും പ്രായോഗികവുമായ വശങ്ങളുമൊക്കെ പരിശീലന പരിപാടിയില്‍ വിദഗ്ധര്‍ വിശദീകരിച്ചു.
നേരത്തെ പുത്തിഗെയില്‍ കൃഷി ഓഫീസര്‍ ആയിരുന്ന സമയത്ത് ഹംശീനയുടെ ആശയത്തില്‍ രൂപംകൊണ്ട വെള്ളരി സോപ് ഏറെ ശ്രദ്ധയും അഭിനന്ദനവും നേടിയിരുന്നു. പഞ്ചായതിലെ വെള്ളരി കര്‍ഷകരില്‍ നിന്ന് ശേഖരിച്ച് ശുദ്ധമായ വെളിച്ചെണ്ണയില്‍ നിര്‍മിച്ച വെള്ളരി സോപിന് 'കുകുമിസ്' എന്നാണ് പേര് നല്‍കിയത്. അഞ്ച് ഹെക്ടറോളം വെള്ളരി കൃഷിയുള്ള പുത്തിഗെ പഞ്ചായതില്‍ പ്രതിസന്ധിയിലായ വെള്ളരി കര്‍ഷകര്‍ക്ക് ഏറെ ആശ്വാസമായിരുന്നു വെള്ളരിയില്‍ നിന്ന് മൂല്യവര്‍ധിത ഉത്പന്നങ്ങള്‍ ഉണ്ടാക്കാനുള്ള ആശയം.
കുമ്പള ലിറ്റില്‍ ലില്ലി സ്‌കൂളില്‍ നിന്ന് എസ്എസ്എല്‍സിയും വിദ്യാനഗര്‍ കേന്ദ്രീയ വിദ്യാലയത്തില്‍ നിന്ന് പ്ലസ് ടുവും പൂര്‍ത്തിയാക്കിയ ഹംശീന പടന്നക്കാട് കാര്‍ഷിക കോളജില്‍ നിന്നാണ് തുടര്‍ വിദ്യാഭ്യാസം നേടിയത്. ബളാലിലായിരുന്നു കൃഷി ഓഫീസറായി ആദ്യ നിയമനം. നാല് മാസത്തിന് ശേഷം പിന്നീട് പുത്തിഗെയിലെത്തി. നാല് വര്‍ഷത്തെ സേവനത്തിന് ശേഷം നാല് മാസം മുമ്പാണ് മധൂരില്‍ നിയമിതയായത്. പുത്തിഗെ ബാഡൂരിലെ ഹമീദ് - ഹഫ്സ ദമ്പതികളുടെ മകളാണ്. മൊഗ്രാല്‍ പുത്തൂരിലെ അഫ്താഹ് ആണ് ഭര്‍ത്താവ്. നിജ് വാദ്, വഹീജ എന്നിവര്‍ മക്കളാണ്. കര്‍ഷകര്‍ക്ക് പുതിയ അറിവുകള്‍ നല്‍കി അവരെ കൂടുതല്‍ മുന്നേറ്റത്തിലേക്ക് നയിക്കാന്‍ കോഴ്സില് പരിശീലനം നേടിയതിലൂടെ സാധിക്കുമെന്നാണ് ഹംശീന പ്രതീക്ഷിക്കുന്നത്.
Keywords: Latest-News, Kerala, Kasaragod, Madhur, Top-Headlines, Agriculture, Farmer, Certificates, Government-of-India, BH Nafeesath Hamsheena, Madhur Agriculture Officer BH Nafeesath Hamsheena completed Certified farm advisor course.
< !- START disable copy paste -->