ശിക്ഷാ നടപടികളുടെ ഭാഗമായി സംസ്ഥാന പൊലീസ് മേധാവി ശിവശങ്കരന് കാരണം കാണിക്കല്‍ നോടീസ് നല്‍കുകയും ഇന്‍സ്‌പെക്ടര്‍ മറുപടി നല്‍കുകയും ചെയ്തിരുന്നു. തുടര്‍ന്ന് സംസ്ഥാന പൊലീസ് മേധാവി ശിവശങ്കരനെ നേരിട്ട് വിളിപ്പിച്ച് വാദങ്ങള്‍ കേട്ടിരുന്നു. വാദങ്ങളില്‍ അടിസ്ഥാനമില്ലെന്ന് കണ്ടെത്തിയതിനെത്തുടര്‍ന്നാണ് ഉടനടി പ്രാബല്യത്തില്‍ വരുന്ന വിധം സര്‍വീസില്‍ നിന്ന് നീക്കം ചെയ്ത് ഉത്തരവ് പുറപ്പെടുവിച്ചത്.
നേരത്തെ ശിക്ഷാ നടപടികള്‍ പലതവണ നേരിട്ടിട്ടും ശിവശങ്കരന് തുടര്‍ച്ചയായി ഇത്തരം കേസുകളില്‍ പ്രതിയാകുകയും സ്വഭാവദൂഷ്യം തുടരുകയും ചെയ്തതിനാല്‍ പൊലീസില്‍ തുടരാന്‍ യോഗ്യനല്ലെന്നു കണ്ടെത്തിയാണ് നടപടിയെന്ന് അധികൃതര്‍ അറിയിച്ചു.
2006 മുതല്‍ വിവിധ അച്ചടക്കനടപടികളുടെ ഭാഗമായി നാലുതവണ സസ്‌പെന്‍ഷനില്‍ ആവുകയും 11 തവണ വകുപ്പുതല നടപടികള്‍ക്ക് വിധേയനാവുകയും ചെയ്തിട്ടുണ്ട് ശിവശങ്കരന്. അനധികൃത സ്വത്ത് സമ്പാദനം, മാനഭംഗപ്പെടുത്തല്‍, നിരപരാധികളെ കേസില്‍പ്പെടുത്തല്‍, അനധികൃതമായി അതിക്രമിച്ച് കടക്കല്‍ തുടങ്ങിയ പരാതികളിലാണ് ഈ നടപടികള്‍ നേരിട്ടത്.
Keywords: Latest-News, Kerala, Kasaragod, Top-Headlines, Police, Police-Officer, Crime Branch, Crime, Complaint, Molestation, R Shiva Shankaran, Kasargod Crime Branch, Kasargod Crime Branch Inspector Dismissed From Service.
< !- START disable copy paste -->