Hijab Ban | ഹിജാബ് ധരിച്ച് പി യു പരീക്ഷ എഴുതാനുള്ള അനുമതി തേടി വിദ്യാർഥിനികൾ; തള്ളി സർകാർ

മംഗ്ളുറു: (www.kasargodvartha.com) ഈ മാസം ഒമ്പതിന് ആരംഭിക്കുന്ന പ്രീ യൂനിവേഴ്സിറ്റി (PUC) രണ്ടാം വർഷ പരീക്ഷ ഹിജാബ് ധരിച്ച് എഴുതാൻ അനുമതി തേടി വിദ്യാർഥിനികൾ. ദക്ഷിണ കന്നഡ, ഉഡുപി, ചിക്കബല്ലപ്പൂർ, ബെംഗ്ളുറു റൂറൽ ജില്ലകളിലെ വിദ്യാർഥിനികളാണ് അവരവരുടെ പരീക്ഷാകേന്ദ്രങ്ങളിലെ പ്രിൻസിപൽമാർക്ക് അപേക്ഷ നൽകിയത്.

എന്നാൽ ആർക്കും അനുമതി നൽകേണ്ടതില്ലെന്നാണ് വിദ്യാഭ്യാസ മന്ത്രി ബിസി നാഗേഷ് നൽകിയ നിർദേശം. വിഷയം സുപ്രീം കോടതിയുടെ പരിഗണനയിലായതിനാൽ അങ്ങനെ ഒരു ഇളവ് സാധ്യമേയല്ലെന്നാണ് വ്യക്തമാക്കുന്നത്. കഴിഞ്ഞ വർഷം മാർചിലാണ് കർണാടക ഹൈകോടതി ക്ലാസ് മുറികളിൽ ഹിജാബ് വിലക്കിയ ഫെബ്രുവരി അഞ്ചിലെ സർകാർ നടപടി ശരിവെച്ച് ഉത്തരവിറക്കിയത്. < !- START disable copy paste -->