Fire | മൈസൂറു ചാമുണ്ഡിക്കുന്നിൽ നൂറുകണക്കിന് ഏകർ പച്ചപ്പുകൾ തീ വിഴുങ്ങി; പക്ഷികൾ ചത്തു

മംഗ്ളുറു: (www.kasargodvartha.com) മൈസൂറു ചാമുണ്ഡി, ഗോപാല സ്വാമി കുന്നുകളിൽ ആളിപ്പടർന്ന തീ നൂറുകണക്കിന് ഏകറിൽ സസ്യലതാതികൾ നക്കിത്തുടച്ചു. വൃക്ഷങ്ങൾ കൂട്ടത്തോടെ കത്തിയപ്പോൾ ശിഖരങ്ങളിൽ കൂടുകൂട്ടിയതും അല്ലാത്തതുമായ പലയിനം പക്ഷികൾ കൂട്ടത്തോടെ ചത്തു. നന്തി പ്രതിമ റോഡ് പരിസരത്ത് പ്രത്യക്ഷപ്പെട്ട തീ അതിവേഗം പടരുകയായിരുന്നു.

ഉച്ചയ്ക്ക് 12.30 മണിയോടെയാണ് തീ കണ്ടത്. രണ്ടരയോടെ രക്ഷാപ്രവർത്തനം തുടങ്ങിയെങ്കിലും കാറ്റിന്റെ ഗതിക്കൊത്ത് ആളിപ്പടർന്ന തീച്ചൂടും വെയിലും കാരണം പ്രയാസം നേരിട്ടു. 40 അംഗ അഗ്നിശമന സേന നടത്തിയ തീവ്രശ്രമത്തിൽ വൈകുന്നേരം അഞ്ചോടെയാണ് തീ നിയന്ത്രണ വിധേയമാക്കിയത്. വാഹനം പോവാൻ പാതയില്ലാത്തത് രക്ഷാപ്രവർത്തനത്തിന് തടസമായി.

ഗുണ്ടൽപേട്ട, ഗോപാല സ്വാമി ഹിൽസ്, കുണ്ടകെരെ, മൂലെഹൊളെ, മഡ്ഡൂർ, ഓംകാർ റേൻജുകളിൽ നിന്നുള്ള വനം ഉദ്യോഗസ്ഥർ സ്ഥലത്തെത്തി രക്ഷാപ്രവർത്തന ഭാഗമായിരുന്നു. വന്യമൃഗങ്ങൾക്ക് നാശം സംഭവിച്ചതായി ഇതുവരെ വിവരമില്ലെന്ന് റേൻജ് ഫോറസ്റ്റ് ഓഫീസർ ധന്യ ശ്രീ പറഞ്ഞു.

Keywords: Mangalore, National, News, Fire, Birds, Road, Fire force, Vehicle, Forest-range-officer, Top-Headlines, Fire destroys vegetation at Chamundi Hill, Gopalaswamy Hill.

< !- START disable copy paste -->