പീഡനത്തിനിരയായതിനെ തുടര്‍ന്ന് അവശനിലയിലായ യുവതി എട്ടു മാസം ഗര്‍ഭിണിയാണ്. വിവരമറിഞ്ഞ് ഗര്‍ഭഛിദ്രം നടത്തണമെന്ന് ആവശ്യപ്പെട്ടാണു വിദ്യാര്‍ഥിനിയെ മാതാപിതാക്കള്‍ ആശുപത്രിയില്‍ എത്തിച്ചത്. എന്നാല്‍ എട്ടുമാസം ഗര്‍ഭിണിയായ അവശനിലയിലുള്ള വിദ്യാര്‍ഥിനിയെ ഗര്‍ഭഛിദ്രത്തിനു വിധേയയാക്കാന്‍ കഴിയില്ലെന്നും വിവരം പൊലീസില്‍ അറിയിക്കണമെന്നും വിദ്യാര്‍ഥിനിയെ പരിശോധിച്ച ഡോക്ടര്‍ സബൈന്‍ ശിവദാസ് ആവശ്യപ്പെട്ടു. മാതാപിതാക്കള്‍ വിസമ്മതിച്ചതോടെ ഡോക്ടര്‍ തന്നെ വിവരം പൊലീസില്‍ അറിയിക്കുകയായിരുന്നു.
കഴിഞ്ഞ ദിവസം അവശനിലയില്‍ കണ്ട വീട്ടുകാര്‍ വിവരം അന്വേഷിച്ചപ്പോഴാണു താന്‍ എട്ടുമാസം ഗര്‍ഭിണിയാണെന്ന് വിവരം വിദ്യാര്‍ഥിനി പറയുന്നത്. തുടര്‍ന്നാണ് രക്ഷിതാക്കള്‍ ആശുപത്രിയില്‍ എത്തിച്ചത്. മൂവാറ്റുപുഴ പൊലീസ് വിവരങ്ങള്‍ ചേര്‍ത്തല പൊലീസിനും കൈമാറിയിട്ടുണ്ട്. പീഡനത്തിനിരയാക്കിയ മലപ്പുറം സ്വദേശിക്കായി അന്വേഷണം ഊര്‍ജിതമാക്കി.
Keywords: 8 months pregnant student became a victim of Assault, Ernakulam, News, Molestation, Police, Complaint, Top-Headlines, Kerala.