കാഞ്ഞങ്ങാട്ടെ ബ്രിട്‌കോ ഇന്‍സ്റ്റിറ്റിയൂടില്‍ മൊബൈല്‍ ടെക്നീഷ്യന്‍ കോഴ്സിന് പഠിക്കുകയാണ് അലി അക്ബര്‍. രാവിലെ ബ്രിട്‌കോ ഇന്‍സ്റ്റിറ്റിയൂടില്‍ പോകുന്നതിനായി കുമ്പള റെയില്‍വേ സ്റ്റേഷനില്‍ എത്തിയപ്പോള്‍ മംഗ്‌ളൂറില്‍ നിന്ന് നാഗര്‍കോവിലിലേക്ക് പോവുകയായിരുന്ന ഏറനാട് എക്സ്പ്രസ് പ്ലാറ്റ് ഫോമില്‍ നിന്ന് നീങ്ങിത്തുടങ്ങിയിരുന്നു.
അലി അക്ബര്‍ ഓടിക്കയറാന്‍ ശ്രമിച്ചപ്പോള്‍ സ്റ്റെപില്‍ നിന്ന് കാല്‍വഴുതി താഴേക്ക് വീഴുകയായിരുന്നു. ട്രെയിനിനും പ്ലാറ്റ് ഫോമിനും ഇടയില്‍ കുടുങ്ങി അല്‍പ നേരം മുന്നോട്ട് നീങ്ങിയതോടെ സംഭവം കണ്ട മറ്റ് യാത്രക്കാര്‍ ചങ്ങല വലിച്ച് ട്രെയിന്‍ നിര്‍ത്തുകയായിരുന്നു. ഉടന്‍ തന്നെ കുമ്പള സഹകരണ ആശുപത്രിയില്‍ എത്തിച്ച് പ്രഥമ ശുശ്രൂഷ നല്‍കി മംഗ്‌ളൂറിലെ ഇന്ത്യാന ആശുപത്രിയിലേക്ക് മാറ്റി. നാടുവിനും വയറിനും കൈകാലുകള്‍ക്കുമാണ് ഗുരുതരമായി പരുക്കേറ്റത്. യുവാവ് അപകടനില തരണം ചെയ്തിട്ടില്ല.
Keywords: Latest-News, Kerala, Kasaragod, Accident, Injured, Train, Top-Headlines, Youth injured after falling from train.
< !- START disable copy paste -->