KGMOA | കാഞ്ഞങ്ങാട്ടെ മാതൃ-ശിശു ആശുപത്രിയിൽ ഡോക്ടർമാർ ഉൾപെടെയുള്ള ജീവനക്കാരുടെ പുതിയ തസ്തികകൾ സൃഷ്ടിച്ച് ഉടൻ പ്രവർത്തനം ആരംഭിക്കണമെന്ന് കെജിഎംഒഎ

കാഞ്ഞങ്ങാട്: (www.kasargodvartha.com) മാതൃ-ശിശു ആശുപത്രിയിൽ ഗൈനോകോളജിസ്റ്റ് ഉൾപെടെയുള്ള ഡോക്ടർമാരുടെയും മറ്റു ജീവനക്കാരുടെയും പുതിയ തസ്തികകൾ സൃഷ്‍ടിച്ച് എത്രയും പെട്ടെന്ന് പ്രവർത്തനം ആരംഭിക്കണമെന്ന് കെജിഎംഒഎ കാസർകോട് ജില്ലാ ഘടകത്തിൻ്റെ വാർഷിക ജനറൽ ബോഡി യോഗം ആവശ്യപ്പെട്ടു. ജില്ലയിലെ മറ്റു ആശുപത്രികളിൽ നിന്നും ജോലിക്രമീകരണാർർഥം ഡോക്ടർമാർമാരെ നിയമിക്കുന്നത് ജില്ലയിലെ ആരോഗ്യ സ്ഥാപനങ്ങളുടെ പ്രവർത്തനത്തിൻ്റെ താളം തെറ്റിക്കുമെന്ന് യോഗം അഭിപ്രായപ്പെട്ടു.

ജില്ലയിൽ ഡോക്ടർമാരുടെ പല തസ്തികകളും ഒഴിഞ്ഞുകിടക്കുകയാണ്. ഇത് അടിയന്തരമായി നികത്തണം. കാസർകോട് ജെനറൽ ആശുപത്രിയിൽ ഫോറൻസിക് സർജൻ്റെ കൂടുതൽ പെർമനൻ്റ് തസ്തികകൾ സൃഷ്ടിച്ച് കൊണ്ട് പോസ്റ്റ് മോർടം പ്രശ്നത്തിൽ ശാശ്വത പരിഹാരം വേണമെന്നും യോഗം ആവശ്യപ്പെട്ടു. കാഞ്ഞങ്ങാട് കെജിഎംഒഎ ഹൗസിൽ ചേർന്ന യോഗത്തിൽ പ്രസിഡന്റ് ഡോ. സിഎം കായിഞ്ഞി അധ്യക്ഷത വഹിച്ചു. സംസ്ഥാന പ്രസിഡന്റ് ഡോ. ടിഎൻ.സുരേഷ് ഉദ്ഘാടനം ചെയ്തു.
Keywords: Kasaragod, Kanhangad, News, Kerala, Hospital, Doctors, Postmortem, Inauguration, President, Secretary, Top-Headlines, KGMOA wants to start working of Maternal and Child Hospital immediately.
< !- START disable copy paste -->