Missing | തെയ്യം കാണാൻ പോയ 16 കാരിയെ കാണാനില്ലെന്ന് പരാതി

ചിറ്റാരിക്കാൽ: (www.kasargodvartha.com) കളിയാട്ടത്തിനെന്ന് പറഞ്ഞ് വീട്ടിൽ നിന്നിറങ്ങിയ 16 കാരിയെ കാണാനില്ലെന്ന് പരാതി. ചിറ്റാരിക്കാൽ പൊലീസ് സ്റ്റേഷൻ പരിധിയിലെ പെൺകുട്ടിയാണ് ചൊവ്വാഴ്ച രാവിലെ തെയ്യം കാണാനെന്ന് പറഞ്ഞ് വീട്ടിൽ നിന്നിറങ്ങിയതെന്ന് ബന്ധുക്കൾ പറഞ്ഞു.

 

ഏറെ വൈകിയിട്ടും തിരിച്ച് വരാത്തതിനെ തുടർന്ന് പിതാവ് ചിറ്റാരിക്കാൽ പൊലീസിൽ പരാതി നൽകി. ഇതിനെ തുടർന്ന് പൊലീസ് നടത്തിയ അന്വേഷണത്തിൽ പെൺകുട്ടി തിരൂരിൽ എത്തിയതായി കണ്ടെത്തിയിട്ടുണ്ടെന്ന് ഉദ്യോഗസ്ഥർ പറഞ്ഞു. ആരുടെ കൂടെയാണ് പോയതെന്ന് വ്യക്തമല്ല. പൊലീസ് തിരൂരിലേക്ക് പോയിട്ടുണ്ട്.

Keywords: Latest-News, Top-Headlines, Investigation, Police, Missing, Complaint, Girl, Chittarikkal, Theyyam, 16-year-old girl who went to watch Theyyam is missing.