അബ്ദുല്‍ ഖാദര്‍ - ഫൗസിയ ദമ്പതികളുടെ മകനാണ് അഹ്മദ് സിയാദ്. ദമാന്‍ സീനിയര്‍ ഡിവിഷന്‍ ലീഗില്‍ സില്‍വസ യുനൈറ്റഡ് എഫ്‌സിക്ക് വേണ്ടി ബൂടണിയുകയും ടീമിനെ ചാംപ്യന്‍മാരാക്കുന്നതില്‍ നിര്‍ണായക പങ്കുവഹിക്കുകയും ചെയ്ത താരമാണ്. എസ്എ ഫുട്‌ബോള്‍ അകാഡമിയില്‍ നിന്ന് അജിത് കുമാറിന്റെ കീഴില്‍ പരിശീലനം ആരംഭിച്ച സിയാദ് കാസര്‍കോട് ജില്ലാ ജൂനിയര്‍ ടീം, യേനപോയ ടീം, കര്‍ണാടകയുടെ 19 വയസിന് താഴെയുള്ളവരുടെ ടീം, മംഗ്‌ളുറു, പി ഇ എസ് യൂനിവേഴ്‌സിറ്റി ടീമുകള്‍, ദക്ഷിണ കന്നഡ ജില്ലാ സ്‌കൂള്‍ ടീം, ബാഗിയോ ഫാന്‍സ് തുടങ്ങിയവയ്ക്ക് വേണ്ടി കളിച്ചിട്ടുണ്ട്.
പരവനടുക്കം ആലിയ ഇന്‍ഗ്ലീഷ് മീഡിയം സ്‌കൂളില്‍ നിന്ന് എസ്എസ്എല്‍സിയും യേനപോയ പിയു കോളജില്‍ നിന്ന് പിയുസിയും പൂര്‍ത്തിയാക്കിയ സിയാദ് മെറീഡിയന്‍ കോളജ് ഉള്ളാള്‍, പിഇഎസ് യൂനിവേഴ്‌സിറ്റി ബെംഗ്‌ളുറു എന്നിവിടങ്ങളില്‍ തുടര്‍ പഠനം നടത്തി. ഇപ്പോള്‍ കണ്ണൂര്‍ എസ്എന്‍ കോളജിലാണ് പഠിക്കുന്നത്. സന്തോഷ് ട്രോഫി പോലുള്ളൊരു ടൂര്‍ണമെന്റില്‍ കളിക്കാനാവുന്നത് വലിയൊരു ബഹുമതിയായി കാണുന്നുവെന്ന് സിയാദ് കാസര്‍കോട് വാര്‍ത്തയോട് പറഞ്ഞു. മികച്ച പ്രകടനം പുറത്തെതുടക്കാനുള്ള ഒരുക്കത്തിലാണ് ഈ യുവതാരം.
Keywords: Latest-News, Kerala, Kasaragod, Top-Headlines, Sports, Football, Football Tournament, Chemnad, Melparamba, Native of Kasaragod gets chance to play in Santosh Trophy.
< !- START disable copy paste -->