കാലത്തിന്റെ കുത്തൊഴുക്കില്‍ മാതൃ സ്‌നേഹം മറന്ന് ജീവിതത്തിന്റെ അവസാനനാളുകളില്‍ അഗതി മന്ദിരങ്ങളിലും വൃദ്ധ സദനങ്ങളിലും അമ്മ മാരെ പാര്‍പ്പിക്കാന്‍ മത്സരിക്കുന്ന തലമുറ വളരുന്ന കാലത്താണ് അടുക്കളക്കക്കുന്ന് ഭഗവതി ക്ഷേത്രത്തില്‍ മാതൃ പൂജ എന്ന മഹാപൂജ നടന്നത്. അവിചാരിതമായി എത്തിയ അമ്മമാരും മാതൃപൂജയുടെ ഭാഗമായി മാറി. സപ്താഹദിവസത്തിലെ അവസാന വേളയിലാണ് ആചാര്യന്‍ മാതൃപൂജയുടെ സന്ദേശം നല്‍കിയത്.
പിന്നീട് ക്ഷേത്ര കമിറ്റി ഭാരവാഹികള്‍ മാതൃ പൂജയ്ക്കുള്ള ഒരുക്കങ്ങള്‍ നടത്തി. അമ്മമാരെ കൃഷ്ണ വിഗ്രഹത്തിന് മുന്നില്‍ കസേരയിട്ട് ഇരുത്തി പൊന്നാട ചാര്‍ത്തിയാണ് മക്കള്‍ മാതൃപൂജ നടത്തിയത്. വര്‍ഷങ്ങളുടെ ഇടവേളക്ക് ശേഷം നടക്കുന്ന സപ്താഹത്തിന്റെ ഭാഗമായി നടന്ന മാതൃപൂജ ചടങ്ങ് പുതുതലമുറകള്‍ക്ക് അവിസ്മരണീയമായ അനുഭവമായി മാറി.
Keywords: Latest-News, Kerala, Kasaragod, Top-Headlines, Temple, Religion, Vellarikundu, Mother Puja performed in temple.
< !- START disable copy paste -->