Arrested | എംഡിഎംഎയുമായി ഒരാൾ അറസ്റ്റിൽ; 'പിടിയിലായത് സ്ഥിരം വിൽപനക്കാരൻ'

കാഞ്ഞങ്ങാട്: (www.kasargodvartha.com) മാരക മയക്കുമരുന്നായ എംഡിഎംഎയുമായി ഒരാൾ അറസ്റ്റിൽ. സ്ഥിരം വിൽപനക്കാരനായ ഹൊസ്ദുർഗ് പൊലീസ് സ്റ്റേഷൻ പരിധിയിലെ പി നൂറുദ്ദീനെ (42) യാണ് ഹൊസ്ദുർഗ് ഇൻസ്പെക്ടർ പി ഷൈൻ, ഡിറ്റക്ടിംഗ് ഓഫീസർ രാജീവൻ എസ്ഐ എന്നിവരുടെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.

കരുവളം മയ്യത്ത് റോഡിൽ വെച്ചാണ് നൂറുദ്ദീൻ മയക്കുമരുന്നുമായി പിടിയിലായത്.1.170 ഗ്രാം എംഡിഎംഎ ഇയാളിൽ നിന്നും പിടിച്ചെടുത്തു.        

ജില്ലാ പൊലീസ് മേധാവി ഡോ. വൈഭവ് സക്സേനയുടെ നിർദേശപ്രകാരം കാഞ്ഞങ്ങാട് ഡിവൈഎസ്പി പി ബാലകൃഷ്‍ണൻ നായരുടെ മേൽനോട്ടത്തിൽ ഹൊസ്ദുർഗ് പൊലീസ് സ്റ്റേഷൻ പരിധിയിൽ മാത്രം നിരവധി മയക്കുമരുന്ന് വേട്ടയാണ് പൊലീസ്‌ നടത്തിയത്.