തടസ്സങ്ങള്‍ നേരിടുന്ന പദ്ധതികള്‍ പരിശോധിച്ച് തുടര്‍നടപടി സ്വീകരിക്കുമെന്ന് എന്‍ എ നെല്ലിക്കുന്ന് എംഎല്‍എ

കാസര്‍കോട്: (www.kasargodvartha.com) എന്‍ എ നെല്ലിക്കുന്ന് എംഎല്‍എയുടെ പ്രത്യേക വികസന നിധിയിലേയും ആസ്തി വികസന പദ്ധതിയിലേയും പ്രവൃത്തികള്‍ സംബന്ധിച്ച് അവലോകന യോഗം കലക്ടറേറ്റ് മെയിന്‍ കോണ്‍ഫറന്‍സ് ഹാളില്‍ ചേര്‍ന്നു. എന്‍ എ നെല്ലിക്കുന്ന് എംഎല്‍എ അധ്യക്ഷനായിരുന്നു. ജില്ലാ കലക്ടര്‍ ഭണ്ഡാരി സ്വാഗത് രണ്‍വീര്‍ചന്ദ് യോഗത്തില്‍ പങ്കെടുത്തു. തടസ്സങ്ങള്‍ നേരിടുന്ന പദ്ധതികള്‍ പരിശോധിച്ച് രണ്ടാഴ്ചയ്ക്കകം തുടര്‍നടപടികള്‍ സ്വീകരിക്കാന്‍ എന്‍ എ നെല്ലിക്കുന്ന് എംഎല്‍എ നിര്‍ദേശം നല്‍കി.
  
എല്ലാ മാസവും അവലോകനയോഗം ചേരാനും യോഗത്തില്‍ തീരുമാനമായി. എഡിസി ജനറല്‍ ഫിലിപ് ജോസഫ്, ഫിനാന്‍സ് ഓഫീസര്‍ എം ശിവപ്രകാശന്‍ നായര്‍ എന്നിവര്‍ യോഗത്തില്‍ പങ്കെടുത്തു.