എല്ലാ ഗുജറാതികൾക്കും സംസ്ഥാനത്ത് 10 ലക്ഷം തൊഴിലവസരങ്ങൾ സൃഷ്ടിക്കുമെന്ന് കോൺഗ്രസ് പ്രകടനപത്രികയിൽ പറയുന്നു, സർകാർ ജോലികളിൽ സ്ത്രീകൾക്ക് 50 ശതമാനം സംവരണം ഉറപ്പാക്കുമെന്നും സംസ്ഥാനത്തെ ഓരോ സ്ത്രീകൾക്കും വിധവകൾക്കും വൃദ്ധർക്കും പ്രതിമാസം 2,000 രൂപ ധനസഹായം നൽകുമെന്നും വാഗ്ദാനങ്ങളിലുണ്ട്. 3000 ഇൻഗ്ലീഷ് മീഡിയം സ്‌കൂളുകൾ സർകാർ തുറക്കുമെന്നും സംസ്ഥാനത്തെ പെൺകുട്ടികൾക്ക് ബിരുദാനന്തര ബിരുദം വരെ സൗജന്യ വിദ്യാഭ്യാസം നൽകുമെന്നും പാർടി അറിയിച്ചു.
മൂന്ന് ലക്ഷം രൂപ വരെയുള്ള കാർഷിക കടങ്ങൾ എഴുതിത്തള്ളൽ, 300 യൂണിറ്റ് സൗജന്യ വൈദ്യുതി, തൊഴിൽരഹിതരായ ഓരോ യുവാക്കൾക്കും പ്രതിമാസം 3,000 രൂപ ഗ്രാന്റ്, 500 രൂപയ്ക്ക് ഗാർഹിക ഗ്യാസ് സിലിൻഡറുകൾ എന്നിവ കോൺഗ്രസ് പ്രകടനപത്രികയിൽ വാഗ്ദാനം ചെയ്യുന്നു. എല്ലാ ഗുജറാതികൾക്കും പരമാവധി 10 ലക്ഷം രൂപ വരെ സൗജന്യ ചികിത്സയും സൗജന്യ ആരോഗ്യ പരിശോധനയും അഞ്ച് ലക്ഷം രൂപ വരെ മരുന്നുകളും വാഗ്ദാനം ചെയ്യുന്ന കോൺഗ്രസ്, സംസ്ഥാനത്ത് കോവിഡ് നഷ്ടപരിഹാരമായി നാല് ലക്ഷം രൂപ നൽകുമെന്നും വ്യക്തമാക്കി.
Keywords: National, News, Top-Headlines, Latest-News, Political Party, Political-News, Politics, Gujarat-Elections, Narendra-Modi, Congress, Minister, Congress unveils manifesto for Gujarat polls.