Identified | ട്രെയിന്‍ തട്ടി മരിച്ചയാളെ തിരിച്ചറിഞ്ഞു; അപകടത്തില്‍പെട്ടത് പ്രഭാത സവാരിക്കിറങ്ങിയ ജ്വലറി ജീവനക്കാരന്‍

നീലേശ്വരം: (www.kasargodvartha.com) പള്ളിക്കര റെയില്‍വേ ട്രാകിന് സമീപം ട്രെയിന്‍ തട്ടി മരിച്ചയാളെ തിരിച്ചറിഞ്ഞു. ജ്വലറി ജീവനക്കാരനും കണ്ണൂര്‍ മുണ്ടയാട് സ്വദേശിയുമായ എംകെ മധു (56) ആണ് മരിച്ചത്. നീലേശ്വരം പാലക്കാട്ട് ചേര്‍മ്മക്കാവ് കാവിന് സമീപം വാടക ക്വാര്‍ടേഴ്‌സില്‍ താമസിച്ചു വരികയായിരുന്നു മധു. ഞായറാഴ്ച രാവിലെ 6.30 മണിയോടെയാണ് ട്രെയിന്‍ തട്ടി മരിച്ചത്. അജ്ഞാത മൃതദേഹമെന്ന നിലയില്‍ നീ ലേശ്വരം പൊലീസ് ഇന്‍ക്വസ്റ്റ് നടത്തി പോസ്റ്റ്‌മോര്‍ടത്തിനയച്ചിരുന്നു.
  

അതിനിടെ പതിവ് പോലെ പ്രഭാത സവാരിക്കായി പോയ മധു തിരിച്ചെത്താതതിനെ തുടര്‍ന്ന് ബന്ധുക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് പൊലീസ് ആവശ്യപ്രകാരം ബന്ധുക്കള്‍ ആശുപത്രിയിലെത്തി മൃതദേഹം മധുവിന്റേതാണെന്ന് സ്ഥിരീകരിക്കുകയായിരുന്നു. നിലേശ്വരം രാജാസ് ഹൈസ്‌കൂളിന് സമീപത്തുള്ള ഭാര്യ സിന്ധുവിന്റെ സഹോദരന്റെ ഉടമസ്ഥതയിലുള്ള മാണൂര്‍ക്കര ജ്വലറിയില്‍ ജീവനക്കാരനായിരുന്നു മധു.

                   

മുണ്ടയാട്ടെ പരേതനായ ബാലകൃഷ്ണന്‍ - കമലാക്ഷി ദമ്പതികളുടെ മകനാണ്. ഏക മകള്‍ മിന്‍ഷിയുടെ വിവാഹ നിശ്ചയം രണ്ടാഴ്ച മുമ്പാണ് നടന്നത്.

സഹോദരങ്ങള്‍: ചന്ദ്രന്‍, കൈലാസന്‍, ശ്രീദാസന്‍, രാജീവന്‍, സുന്ദരന്‍, ശകുന്തള, ബിന്ദു, സന്ധ്യ.

Keywords: Nileshwaram, Kasaragod, Kerala, Latest-News, News, Top-Headlines, Train, Accident, Accidental Death, Death, Dead Body, Police, Person who was hit by train, identified.

< !- START disable copy paste -->