Accident Death | ഇരുചക്ര വാഹനമിടിച്ച് ചികിത്സയിലായിരുന്ന ഗൃഹനാഥൻ മരിച്ചു

ആലംപാടി: (www.kasargodvartha.com) ഇരുചക്ര വാഹനമിടിച്ച് ചികിത്സയിലായിരുന്ന ഗൃഹനാഥൻ മരിച്ചു. ബെള്ളൂറടുക്കയിലെ അബ്ദുല്ല (55) ആണ് മരിച്ചത്. കൂലിപ്പണിക്കാരനായ അബ്ദുല്ല ജോലി കഴിഞ്ഞു വീട്ടിലേക്ക് നടന്നുവരുന്നതിനിടെയാണ് ഉളിയത്തടുക്ക - വിദ്യാനഗർ റോഡിൽ വെച്ച് ബൈക് ഇടിച്ചത്.
                                                

ഗുരുതരമായി പരിക്കേറ്റതിനെ തുടർന്ന് മംഗ്ളൂറിലെ ആശുപത്രിയിൽ ചികിത്സയിലായിരുന്നു. ചൊവ്വാഴ്ച രാവിലെ 10.30 മണിയോടെ മരണം സംഭവിച്ചത്.
              
പരേതനായ മുഹമ്മദ് മിഅറാജ് - ബീഫാത്വിമ ദമ്പതികളുടെ മകനാണ്.

ഭാര്യ: സകീന. പ്ലസ് ടു വിദ്യാർഥിനിയായ അഫ്‌ല ഏകമകളാണ്.


< !- START disable copy paste -->