Ayushman Bharat Yojana | 5 ലക്ഷം രൂപയുടെ വരെ സൗജന്യ ചികിത്സ; ആയുഷ്മാൻ ഗോൾഡൻ കാർഡ് ഡൗണ്‍ലോഡ് ചെയ്യുന്നത് എങ്ങനെയെന്ന് അറിയാം

ന്യൂഡെൽഹി: (www.kasargodvartha.com) കേന്ദ്ര - സംസ്ഥാന സർകാരുകൾ പ്രയോജനകരവും ക്ഷേമപരവുമായ നിരവധി പദ്ധതികൾ നടത്തുന്നു. വിദ്യാഭ്യാസം, തൊഴിൽ, പെൻഷൻ, പാർപ്പിടം, റേഷൻ, ആരോഗ്യ സൗകര്യങ്ങൾ തുടങ്ങിയവ അതിൽ ഉൾപെടുന്നു. കേന്ദ്ര സർകാർ പാവപ്പെട്ടവർക്കായി നടപ്പിലാക്കുന്ന ആരോഗ്യ സംരക്ഷണ പദ്ധതിയാണ് ആയുഷ്മാൻ ഭാരത് യോജന (Ayushman Bharat Yojana).
  

ഇപ്പോൾ സംസ്ഥാന സർകാരുകളും ഈ പദ്ധതിയുമായി ബന്ധപ്പെട്ടിരിക്കുന്നു. അതിനാൽ, ഇപ്പോൾ ഈ പദ്ധതിയുടെ പേര് 'ആയുഷ്മാൻ ഭാരത് പ്രധാനമന്ത്രി ജൻ ആരോഗ്യ യോജന - മുഖ്യമന്ത്രി സ്കീം' എന്നാക്കി മാറ്റിയിട്ടുണ്ട്. പദ്ധതി പ്രകാരം, അർഹരായ ആളുകളുടെ ആയുഷ്മാൻ കാർഡുകൾ ലഭിക്കും, തുടർന്ന് കാർഡ് ഉടമയ്ക്ക് അഞ്ച് ലക്ഷം രൂപ വരെ സൗജന്യ ചികിത്സ ലഭിക്കും. നിങ്ങൾ പദ്ധതിയുടെ ഭാഗമാണെങ്കിൽ, ആയുഷ്മാൻ കാർഡ് വീട്ടിലിരുന്ന് എങ്ങനെ ഡൗൺലോഡ് ചെയ്യാമെന്ന് അറിയാം.


ഡൗൺലോഡ് ചെയ്യാൻ എന്താണ് ചെയ്യേണ്ടത്?

1. ആയുഷ്മാൻ യോജനയുടെ ഗുണഭോക്താവാണെങ്കിൽ, ഔദ്യോഗിക വെബ്സൈറ്റ് pmjay(dot)gov(dot)in സന്ദർശിക്കുക. തുടർന്ന് ലോഗിൻ ചെയ്യാൻ നിങ്ങളുടെ ഇമെയിൽ ഐഡിയും പാസ്‌വേഡും നൽകണം.

2. തുടർന്ന് പുതിയ പേജ് പ്രത്യക്ഷപ്പെടും. ഇവിടെ നിങ്ങളുടെ 12 അക്ക ആധാർ നമ്പർ നൽകുക. തുടർന്ന് നിങ്ങളുടെ വിരലടയാളം പരിശോധിച്ച് 'അംഗീകൃത ഗുണഭോക്താവ്' ഓപ്ഷനിൽ ക്ലിക് ചെയ്യുക

3. ഇതിന് ശേഷം നിങ്ങൾ അംഗീകൃത ഗോൾഡ് കാർഡുകളുടെ ലിസ്റ്റ് കാണും. നിങ്ങളുടെ പേര് തിരയുക. അതിനുശേഷം നിങ്ങൾ സ്ഥിരീകരിക്കുക. പ്രിന്റ് ഓപ്ഷനിൽ ക്ലിക് ചെയ്യണം. തുടർന്ന് നിങ്ങളുടെ പാസ്‌വേഡ് CSC Valet-ൽ നൽകണം.

4. പിൻ നമ്പർ നൽകി ഹോം പേജിലേക്ക് പോകുക. ഇതിനുശേഷം, കാർഡ് ഉടമയുടെ പേരിൽ ആയുഷ്മാൻ കാർഡ് ഡൗൺലോഡ് എന്ന ഓപ്ഷൻ നിങ്ങൾക്ക് കാണാം. അതിൽ ക്ലിക് ചെയ്ത് നിങ്ങൾക്ക് ഈ കാർഡ് ഡൗൺലോഡ് ചെയ്യാം.


ആയുഷ്മാൻ ഭാരത് യോജന

2018ലാണ് കേന്ദ്ര സർകാർ ആയുഷ്മാൻ ഭാരത് യോജന ആരംഭിച്ചത്. ഇതുപ്രകാരം ഗുണഭോക്താവിന് ഗോൾഡൻ കാർഡ് ലഭിക്കുന്നു. ഈ കാർഡിന്റെ സഹായത്തോടെ കേന്ദ്രസർകാർ എംപാനൽ ചെയ്ത ആശുപത്രികളിൽ അഞ്ചുലക്ഷം രൂപവരെ ചികിത്സ ലഭിക്കും. ഈ പദ്ധതി രാജ്യത്ത് ധാരാളം ആളുകൾ പ്രയോജനപ്പെടുത്തുന്നുണ്ട്. കുടുംബത്തിൽ അംഗവൈകല്യമുള്ളവർ, ഭൂരഹിതർ, പട്ടികജാതി അല്ലെങ്കിൽ ഗോത്രത്തിൽ നിന്നുള്ള അപേക്ഷകർ, ദിവസക്കൂലിയായി ജോലി ചെയ്യുന്നവർ, ഗ്രാമപ്രദേശങ്ങളിൽ താമസിക്കുന്നവർ, അഗതികൾ, ആദിവാസികൾ തുടങ്ങിയവർക്ക് ഈ പദ്ധതിയുടെ പ്രയോജനം ലഭിക്കും.


ഓൺലൈൻ വഴി അപേക്ഷിക്കാൻ

1. ഔദ്യോഗിക വെബ്സൈറ്റ് https://nhm(dot)gov(dot)in/ സന്ദർശിക്കുക.

2. Click Here എന്ന ഓപ്ഷൻ ക്ലിക് ചെയ്യുക.

3. നിങ്ങളുടെ മുന്നിൽ ഒരു ബോക്സ് തുറക്കും, അതിൽ മൊബൈൽ ഫോൺ നമ്പറും ആധാർ നമ്പറും നൽകുക.

4. Submit ക്ലിക് ചെയ്യുക.

5. ലോഗിൻ ഐഡിയും പാസ്‌വേഡും ലഭിക്കും.

6. തുടർന്ന് ഹോം പേജിലേക്ക് തിരികെ വന്ന് Registration ഓപ്ഷനിൽ ക്ലിക് ചെയ്യുക.

7. ഇതിന് ശേഷം നിങ്ങളുടെ മൊബൈൽ നമ്പറിൽ ഒരു OTP വരും, അത് നൽകുക.

8. തുടർന്ന് Dashboard നിങ്ങളുടെ മുന്നിൽ കാണാം. അതിൽ ക്ലിക് ചെയ്താൽ Menu കാണാം.

9. തുടർന്ന് ഇവിടെയുള്ള Ayushman Card Self Registration ക്ലിക് ചെയ്ത് മുഴുവൻ ഫോമും പൂരിപ്പിക്കുക.

10.ആവശ്യപ്പെട്ട എല്ലാ രേഖകളും സ്കാൻ ചെയ്ത് അപ്‌ലോഡ് ചെയ്യുക. ഇതിനുശേഷം, അതിന്റെ രസീത് നിങ്ങളുടെ പക്കൽ സൂക്ഷിക്കുക.

Keywords: New Delhi, India, News, Top-Headlines, Cash, Treatment, Hospital, Government, How To Download Ayushman Card.