Found dead | കാണാതായ യുവാവിന്റെ മൃതദേഹം പുഴയില്‍ കണ്ടെത്തി

നിലേശ്വരം: (www.kasargodvartha.com) കാണാതായ യുവാവിന്റെ മൃതദേഹം പുഴയില്‍ കണ്ടെത്തി. കൊട്രച്ചാല്‍ കോളനിയിലെ റെയില്‍വേ ജീവനക്കരന്‍ ചന്ദ്രൻ-ജാനകി ദമ്പതികളുടെ മകന്‍ അനീഷ് (40) ആണ് മരിച്ചത്. വെള്ളിയാഴ്ച പുലര്‍ചെ ഓര്‍ച പുഴയില്‍ മീന്‍പിടിക്കുന്നവരാണ് മൃതദേഹം കണ്ടെത്തി പൊലീസില്‍ വിവരമറിയിച്ചത്.
  
ആമസോണ്‍ ഓണ്‍ലൈന്‍ ബിസിനസ് കംപനിയിലെ ജീവനക്കാരനായിരുന്ന അനീഷിനെ മൂന്ന് ദിവസമായി കാണാനില്ലായിരുന്നു. സാധാരണ ഇടയ്ക്കിടെ വീട്ടില്‍ നിന്നും വിട്ടുനില്‍ക്കാറുള്ളതിനാല്‍ കൂടുതല്‍ അന്വേഷിച്ചിരുന്നില്ല. ഭാര്യയുമായി വിവാഹമോചനം തേടിക്കൊണ്ടുള്ള കേസ് ഹൊസ്ദുര്‍ഗ് കോടതിയില്‍ നടന്നുവന്നിരുന്നു. ഇവര്‍ക്ക് കുട്ടികളില്ല.