Join Whatsapp Group. Join now!
Aster MIMS 10/10/2023

ASI says | ലഹരി വ്യാപനം: മഹല്ല് ജമാഅതുകളുടെ ഇടപെടൽ പൊലീസിന്റെ നിയമ നടപടികൾക്ക് ശക്തിപകരുന്നുണ്ടെന്ന് പൊലീസ് ഉദ്യോഗസ്ഥൻ

Involvement of Mahal Jamaaths strengthens police's legal action against drugs, says Kumbala ASI #കേരളവാർത്തകൾ #ന്യൂസ്റൂം #ഇന്നത്തെവാർത്തകൾ
മൊഗ്രാൽ: (www.kasargodvartha.com) വർധിച്ച് വരുന്ന ലഹരി വ്യാപനത്തിനെതിരെ സർകാർ നിർദേശത്തെ തുടർന്ന് പൊലീസ് - എക്സൈസ് വകുപ്പുകൾ നടത്തുന്ന നിയമനടപടികൾക്ക് മഹല്ല് ജമാഅതുകളുടെ ഇടപെടൽ ശക്തിപകരുന്നുണ്ടെന്ന് കുമ്പള എഎസ്ഐ സതീഷ് പറഞ്ഞു. മൊഗ്രാൽ ചളിയങ്കോട് ജമാഅത് കമിറ്റിയുടെ ആഭിമുഖ്യത്തിൽ സംഘടിപ്പിച്ച ലഹരി വിരുദ്ധ ബോധവൽകരണ പരിപാടിയിൽ സംബന്ധിച്ച് സംസാരിക്കുകയായിരുന്നു അദ്ദേഹം.
                       
Involvement of Mahal Jamaaths strengthens police's legal action against drugs, says Kumbala ASI, Kerala,Kasaragod,Kumbala,Police,Mogral,news,Drugs,ASI,Excise.

മതപരമായ ചടങ്ങുകളിൽ ഇത്തരം വിഷയങ്ങൾക്ക് മഹല്ല് ജമാഅതുകൾ മുൻഗണന നൽകണം. രക്ഷിതാക്കളും, ജമാഅത് കമിറ്റികളും രംഗത്തിറങ്ങി പ്രവർത്തിച്ചാൽ ഒരുപരിധിവരെ നമ്മുടെ കുട്ടികളെയും, യുവാക്കളെയും ലഹരി എന്ന മഹാവിപത്തിൽ നിന്ന് രക്ഷപ്പെടുത്താൻ കഴിയും. ഇതിന് കുമ്പള പൊലീസ് പരിധിയിൽ തുടക്കംകുറിച്ച മൊഗ്രാൽ ചളിയങ്കോട് ജമാഅത് കമിറ്റിയുടെ പ്രവർത്തനം മാതൃകാപരമെന്നും എഎസ്ഐ കൂട്ടിച്ചേർത്തു.

ചടങ്ങിൽ ജമാഅത് വൈസ് പ്രസിഡണ്ട് സയ്യിദ് കോയമ്മ തങ്ങൾ അൽ ഹാദി അധ്യക്ഷത വഹിച്ചു. കുമ്പള ഗ്രാമപഞ്ചായത് വൈസ് പ്രസിഡണ്ട് നാസർ മൊഗ്രാൽ മുഖ്യാതിഥിയായിരുന്നു. ഹസൈനാർ മൗലവി സ്വാഗതവും ബദറുദ്ദീൻ ദീനാർ നന്ദിയും പറഞ്ഞു. മജ്ലിസുന്നൂറിന് സ്ഥലം ഖത്വീബ് അശ്റഫ് ഫൈസി ദേലംപാടി നേതൃത്വം നൽകി. അബ്ദുർ റസാഖ് സഅദി, ഹസൈനാർ മൗലവി കന്തൽ, ആരിഫ് രിഫാഇ ദാരിമി, ബശീർ ഫൈസി കമ്പാർ സംബന്ധിച്ചു.

Keywords: Involvement of Mahal Jamaaths strengthens police's legal action against drugs, says Kumbala ASI, Kerala,Kasaragod,Kumbala,Police,Mogral,news,Drugs,ASI,Excise.

Post a Comment