19 ദിവസത്തെ കേരളത്തിലെ പര്യടനം വൻ ജനസാന്നിധ്യം കൊണ്ട് വിജയമായതിന്റെ ആവേശത്തിലാണ് കോൺഗ്രസ് പ്രവർത്തകർ. കാസർകോട് ജില്ലയിൽ നിന്ന് അനവധി കോൺഗ്രസ് പ്രവർത്തകരാണ് വിവിധ ബ്ലോക്, മണ്ഡലം കമിറ്റികളുടെ നേതൃത്വത്തിൽ മലപ്പുറത്തേക്ക് പുറപ്പെട്ടത്.
കുമ്പളയിൽ നിന്ന് ബ്ലോക് മണ്ഡലം കമിറ്റികളുടെ നേതൃത്വത്തിൽ നിരവധി കോൺഗ്രസ് പ്രവർത്തകർ ഭാരത് ജോഡോ പദയാത്രയിൽ പങ്കാളികളായി. ഡിസിസി സെക്രടറി സുന്ദര ആരിക്കാടി, ബ്ലോക് കോൺഗ്രസ് പ്രസിഡന്റ് ലക്ഷ്മണ പ്രഭു, മണ്ഡലം കോൺഗ്രസ് പ്രസിഡണ്ട് രവി പൂജാരി എന്നിവരുടെ നേതൃത്വത്തിലാണ് പ്രവർത്തകർ മലപ്പുറത്തെത്തിയത്. രാവിലെ ഏഴിന് മലപ്പുറം ചുങ്കത്തറ മാര്‍ത്തോമ കോളജ് ജൻഗ്ഷനില്‍ നിന്നാണ് വ്യാഴാഴ്ച പര്യടനം ആരംഭിച്ചത്. തുടർന്ന് വഴിക്കടവ് മണിമൂലി വഴി ഗൂഢല്ലൂരില്‍ പ്രവേശിക്കുകയായിരുന്നു.
Keywords: Malappuram, Kasaragod, Kerala, News, Top-Headlines, Congress, Political party, Politics, Rahul_Gandhi, Leader, Congress' Bharat Jodo Yatra in Kerala ends.