Burglary | വീട്ടുകാർ പുറത്തുപോയ സമയത്ത് വീട്ടിൽ കവർച; 8 പവൻ സ്വർണാഭരണങ്ങളും പണവും നഷ്ടപ്പെട്ടു

മഞ്ചേശ്വരം: (www.kasargodvartha.com) പൂട്ടിയിട്ട വീട്ടിൽ കവർച. എട്ട് പവൻ സ്വർണാഭരണങ്ങളും പണവും നഷ്ടമായി. വ്യാപാരിയായ മഞ്ചേശ്വരം പൊസോട്ടെ റസാഖിൻ്റെ വീട്ടിലാണ് ഞായറാഴ്ച രാത്രി മോഷണം നടന്നത്. കിടപ്പുമുറിയിലെ അലമാരയിൽ സൂക്ഷിച്ച സ്വർണവും പണവുമാണ് നഷ്ടപ്പെട്ടത്.
                        
            

റസാഖും കുടുംബവും ഞായറാഴ്ച വൈകീട്ട് വീട് പൂട്ടി മംഗ്ളൂറിലെ ആശുപത്രിയിൽ പോയിരുന്നു. രാത്രി പത്തര മണിയോടെ തിരിച്ചെത്തിയപ്പോഴാണ് മോഷണവിവരം ശ്രദ്ധയിൽ പെട്ടത്. വാതിലിൻ്റെ പൂട്ട് കമ്പിപ്പാര കൊണ്ട് തകർത്താണ് മോഷ്ടാക്കൾ അകത്ത് കടന്നതെന്നാണ് നിഗമനം. മോഷ്ടാക്കളുടേതെന്ന് കരുതുന്ന ടോർച് വീടിന് പിറകുവശത്ത് കൂട്ടിയിട്ട മണലിൽ നിന്നും കണ്ടെത്തിയിട്ടുണ്ട്.