Youth killed | യുവാവ് കുത്തേറ്റുമരിച്ചു; ഹോൺ മുഴക്കിയതിന്റെയും തുറിച്ചുനോക്കിയതിന്റെയും പേരിലുള്ള പ്രശ്‌നമെന്ന് സുഹൃത്ത്

മംഗ്ളുറു: (www.kasargodvartha.com) യുവാവ് കുത്തേറ്റുമരിച്ചു. മംഗ്ളുറു ബണ്ട് വാളിലെ ശാന്തിയങ്ങാടി സ്വദേശി മുഹമ്മദ് ആസിഫ് (27) ആണ് മരിച്ചത്. ബണ്ട് വാൾ തലപ്പാടി കൈകമ്പയിലാണ് സംഭവം. ഹോൺ മുഴക്കിയതിന്റെയും തുറിച്ചുനോക്കിയതിന്റെയും പേരിലുണ്ടായ പ്രശ്‍നത്തിൽ ആസിഫിനെ രണ്ടുപേർ ചേർന്ന് കൊലപ്പെടുത്തുകയായിരുന്നുവെന്ന് ആരോപിച്ച് യുവാവിന്റെ സുഹൃത്ത് നൗഫൽ മംഗ്ളുറു സിറ്റി പൊലീസ് സ്‌റ്റേഷനിൽ പരാതി നൽകി. കൊല്ലപ്പെട്ടായാളും കുറ്റാരോപിതരും പരിചിരാണെന്നാണ് അറിയുന്നത്.
             
Bantwal: Youth killed,Karnataka, Mangalore, News, Top-Headlines, Complaint, Police Station, Social-Media, Investigation, Report, Hospital.

'ആസിഫ് ജൂലൈ നാലിന് രാത്രി 10.30 ഓടെ മുഹമ്മദ് നൗഫലിനെ വിളിച്ച് ശാന്തിയങ്ങാടിയിലേക്ക് വരാൻ ആവശ്യപ്പെട്ടിരുന്നു. സ്‌കൂടർ കടന്നുപോകുമ്പോൾ കുറ്റാരോപിതരുമായി തർക്കമുണ്ടായി. ഇതിനിടെ എല്ലാവരും പൊന്നോടിയിലെ ലഗൂൺ കോകനട് ഹോടെലിൽ ഒത്തുചേർന്നു. ആ സമയത്ത് തമ്മിലുണ്ടായ വാക്കേറ്റത്തിനിടെ ഒരാൾ ആസിഫിന്റെ വയറ്റിൽ കുത്തുകയായിരുന്നു', പരാതി ഉദ്ധരിച്ച് മാധ്യമങ്ങൾ റിപോർട് ചെയ്തു.

ഗുരുതരമായി പരിക്കേറ്റ ആസിഫിനെ തുമ്പയിലെ ഫാദർ മുള്ളേഴ്‌സ് ആശുപത്രിയിലും പിന്നീട് മംഗ്ളൂറിലും എത്തിച്ചെങ്കിലും മരണം സംഭവിക്കുകയായിരുന്നു. പൊലീസ് കേസെടുത്ത് അന്വേഷണം നടത്തിവരികയാണ്.

Keywords: Bantwal: Youth killed,Karnataka, Mangalore, News, Top-Headlines, Complaint, Police Station, Social-Media, Investigation, Report, Hospital.

Post a Comment

Previous Post Next Post