പാചകം ചെയ്ത അനുബന്ധ വിഭവങ്ങൾ അടങ്ങുന്ന എല്ലാ ഭക്ഷണവും സമയബന്ധിതമായി വിതരണം ചെയ്യുക, ഒപ്പം ടേബിൾ ശുചിയാക്കുക, ഇതാണ് സപ്ലൈ സർവീസ് ടീമുകൾ ചെയ്യേണ്ട പ്രധാന തൊഴിൽ. എന്നാൽ അതിന് പുറമെ പലയിടങ്ങളിലും ചടങ്ങിന്റെ മാലിന്യങ്ങൾ സംസ്കരണം ചെയ്യുക, മൊത്തം അടിച്ച് വൃത്തിയാക്കുന്നത് ഉൾപെടെയുള്ള ജോലികൾ അടിച്ചേൽപിക്കുന്നുണ്ടെന്നും അതിനുള്ള സംവിധാനം ഒരുക്കേണ്ടത് അതാത് സത്കാര പരിപാടികൾ ആസൂത്രണം ചെയ്യുന്നവരാണെന്നും അസോസിയേഷൻ ഭാരവാഹികൾ പറഞ്ഞു. ഒന്നുകിൽ മാലിന്യസംസ്കരണം കാര്യം മുൻകൂട്ടി അറിയിച്ച് അനുസൃതമായ പ്രത്യേക ചാർജ് നൽകണം, അല്ലാത്ത പക്ഷം അത് തിരസ്കരിക്കാനാണ് തീരുമാനം.
500 പേരുടെ പരിപാടിയാണെങ്കിൽ ചുരുങ്ങിയത് എട്ട് പേരും 1000 പേരുടേതെങ്കിൽ 15 പേരും അതിൽ കൂടുതൽ ഭക്ഷണം ഒരുക്കുന്ന സത്കാരമെങ്കിൽ അതനുസരിച്ചുള്ള സർവീസ് അംഗങ്ങളെ നിശ്ചയിക്കാൻ തയ്യാറാവണമെന്നും അസോസിയേഷൻ അഭിപ്രായപ്പെട്ടു. പരിപാടി ബുക് ചെയ്ത ശേഷം വേതന വിഷയത്തിൽ പിന്മാറുന്ന പ്രവണത ഏറിവരുന്നതായും, അതുമൂലം ഈ മേഖലയിൽ ഉപജീവനം നയിക്കുന്ന സപ്ലൈ ടീമുകൾ നഷ്ടം സഹിക്കേണ്ടി വരുന്ന സാഹചര്യമാണ് പലപ്പോഴും ഉണ്ടാവുന്നതെന്നും ഭാരവാഹികൾ പറഞ്ഞു. അങ്ങനെ പിന്മാറുന്നവരിൽനിന്നും തക്കതായ നഷ്ടപരിഹാരം കൈപ്പറ്റാൻ ആവശ്യമായ ഇടപെടൽ നടത്താനും അസോസിയേഷൻ തീരുമാനിച്ചു.
ജില്ലാ കമിറ്റി യോഗത്തിൽ പ്രസിഡന്റ് ജാസർ പൊവ്വൽ അധ്യക്ഷത വഹിച്ചു. തൻവീർ സന്തോഷ് നഗർ സ്വാഗതം പറഞ്ഞു. ഹനീഫ് തൈവളപ്പ്, സിദ്ദീഖ്, അർശാദ്, നിസാം, നാസർ മേൽപറമ്പ്, ശംസീർ, സഹദ്, നിഹാൽ, രിഫായി, മനാഫ് സംസാരിച്ചു, റഹീം പൊവ്വൽ നന്ദി പറഞ്ഞു.
Keywords: Kasaragod, Kerala, News, Top-Headlines, Work, Committee, Meeting, Workers, Salary, Catering, Workers Association decision to ensure equal pay in buffet supply employment.< !- START disable copy paste -->