വരുംവര്‍ഷം മുഴുവന്‍ നന്മയും സമൃദ്ധിയും നിറയ്ക്കാനായി വിഷുവിനെ വരവേല്‍ക്കാം; കണിയൊരുക്കാം

കൊച്ചി: (www.kasargodvartha.com 14.04.2022) വരുംവര്‍ഷം മുഴുവന്‍ നന്മയും സമൃദ്ധിയും നിറയ്ക്കാനായി വിഷുവിനെ വരവേല്‍ക്കാം. നമുക്കറിയാം കേരളത്തിലെ കാര്‍ഷികോത്സവമാണ് വിഷു. കേരളത്തില്‍ മാത്രമല്ല അയല്‍ സംസ്ഥാനങ്ങളില്‍ അതിര്‍ത്തിയോട് ചേര്‍ന്നു കിടക്കുന്ന പ്രദേശങ്ങളിലും വിഷു ആഘോഷിക്കാറുണ്ട്. ഭഗവാന്‍ ശ്രീകൃഷ്ണനും കണിക്കൊന്നയും കണിവെള്ളരിയും ധാന്യങ്ങളും നിറദീപങ്ങളുമൊക്കെ ചേര്‍ന്നൊരുക്കുന്ന സമൃദ്ധിയുടെ കാഴ്ചയാണ് നമ്മള്‍ വിഷുപുലരിയില്‍ കണ്ടുണരുന്നത്.

ഭഗവാന്‍ കണ്ണന്റെ വിഗ്രഹത്തിലോ ചിത്രത്തിലോ വീട്ടുമുറ്റത്തുള്ള പൂക്കള്‍ കൊണ്ട് മാലകോര്‍ത്തിടുന്നത് ഉത്തമമാണ്. നിലവിളക്ക്, ഓട്ടുരുളി, ഉണക്കലരി, നെല്ല്, നാളികേരം, ഭംഗിയുള്ള സ്വര്‍ണനിറമുള്ള വെള്ളരിക്ക, മാമ്പഴം, വാല്‍ക്കണ്ണാടി, കൃഷ്ണപ്രതിമ, കണിക്കൊന്ന പൂവ്, കോടിമുണ്ട്, ഗ്രന്ഥം, നാണയം, സ്വര്‍ണം, കണ്‍മഷി, കുങ്കുമം, വെറ്റില, അടയ്ക്ക, കിണ്ടിയില്‍ വെള്ളം, തുടങ്ങിയവയാണ് കണിയൊരുക്കാന്‍ ഉപയോഗിക്കുന്നത്.