വാടക ക്വാർടേഴ്സിനകത്ത് രണ്ടുദിവസം പഴക്കമുള്ള മൃതദേഹം കണ്ടെത്തി

ചന്തേര: (www.kasargodvartha.com 08.04.2022) വാടക ക്വാർടേഴ്സിനകത്ത് വൃദ്ധന്റെ രണ്ടുദിവസം പഴക്കമുള്ള മൃതദേഹം കണ്ടെത്തി. വീടുകൾ തോറും കയറിയിറങ്ങി പഴയ വെള്ളി ആഭരണങ്ങൾ ശേഖരിക്കുന്ന കന്യാകുമാരി സ്വദേശി സോമു മുതലിയാർ ചെട്ടിയാറിന്റെ (68) മൃതദേഹമാണ് മാണിയാട്ട് ബാങ്കിന് സമീപത്തെ വാടക ക്വാർടേഴ്സിൽ കണ്ടെത്തിയത്.
    
ദുർഗന്ധം വമിച്ചതിനെ തുടർന്ന് നാട്ടുകാർ പൊലീസിൽ വിവരമറിയിക്കുകയായിരുന്നു. തുടർന്ന് പൊലീസെത്തി വാതിൽ തുറന്നപ്പോഴാണ് മൃതദേഹം കണ്ടെത്തിയത്. കുറച്ചു വർഷങ്ങളായി മാണിയാട്ട് ബാങ്കിന് സമീപത്തെ വാടക ക്വാർടേഴ്സിൽ താമസിച്ചുവരികയായിരുന്നു ഇദ്ദേഹം.

മരണ വിവരം ചന്തേര പൊലീസ് ഇയാളുടെ വീട്ടുകാരെ അറിയിച്ചിട്ടുണ്ട്. മൃതേഹം ഇൻക്വസ്റ്റ് നടപടികൾ പൂർത്തിയാക്കിയ ശേഷം വിദഗ്ധ പോസ്റ്റുമോർടത്തിനായി പരിയാരത്തെ കണ്ണൂർ ഗവ. മെഡികൽ കോളജ് ആശുപത്രിയിലേക്ക് മാറ്റി. < !- START disable copy paste -->