ഫേസ്‌ബുകിൽ വ്യാജ അകൗണ്ട് ഉണ്ടാക്കി ഉന്നത സർകാർ ഉദ്യോഗസ്ഥയുടെ ചിത്രം മോർഫ് ചെയ്ത് പ്രചരിപ്പിച്ചെന്ന കേസിൽ യുവാവ് അറസ്റ്റിൽ; പിടിയിലായത് ഫേസ്ബുക്, ഗൂഗ്ൾ, ജിയോ അധികൃതർ നൽകിയ വിവരങ്ങളുടെ അടിസ്ഥാനത്തിൽ

തിരുവനന്തപുരം: (www.kasargodvartha.com 01.01.2022) ഫേസ്‌ബുകിൽ വ്യാജ അകൗണ്ട് ഉണ്ടാക്കി ഉന്നത സർകാർ ഉദ്യോഗസ്ഥയുടെ ചിത്രം മോർഫ് ചെയ്ത് പ്രചരിപ്പിച്ചെന്ന കേസിൽ ഒന്നാം പ്രതി അറസ്റ്റിൽ. തിരുവനന്തപുരം ജില്ലയിലെ അഭിലാഷ് (25) ആണ് സിറ്റി സൈബർ പൊലീസിന്റെ പിടിലായത്. കേസിൽ രണ്ടാം പ്രതിയായ കോഴിക്കോട് ജില്ലയിലെ ബാബു (42) വിനെ കോഴിക്കോട് നിന്നും ജൂലൈ ആദ്യം അറസ്റ്റ് ചെയ്തിരുന്നു.

   


ഫേസ്ബുക് അകൗണ്ടിൽ നിന്നും കരസ്ഥമാക്കിയ ഉദ്യോഗസ്ഥയുടെ ഫോടോ മോർഫ് ചെയ്ത്, അഭിലാഷ് ഇയാളുടെ വ്യാജ ഫേസ്ബുക് അകൗണ്ടിലും 'മല്ലു ചേച്ചി' എന്ന അശ്ലീല ഫേസ്ബുക് പേജ് വഴിയും പ്രചരിപ്പിച്ചെന്നാണ് കേസ്. ഫേസ്ബുക്, ഗൂഗ്ൾ, ജിയോ അധികൃതരിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ ഐ ഡി, ഐ പി അഡ്രസ്, മൊബൈൽ ഫോൺ നമ്പർ കേന്ദ്രീകരിച്ച് നടത്തിയ അന്വേഷണത്തിലാണ് ഇയാൾ കുടുങ്ങിയത്. അഭിലാഷ് ഉപയോഗിച്ച ഡിവൈസുകളും പൊലീസ് പിടിച്ചെടുത്തു.

ഈ ചിത്രം ഷെയർ ചെയ്യുകയും അശ്ലീല കമൻറുകൾ പോസ്റ്റ് ചെയ്‌തെന്നുമാണ് ബാബുവിനെതിരെയുള്ള കുറ്റം. സിറ്റി പൊലീസ് കമീഷനർ ഐ ജി ബൽറാം കുമാർ ഉപാധ്യായയുടെ നിർദേശ പ്രകാരം സിറ്റി സൈബർ സ്റ്റേഷൻ ഡി വൈ എസ് പി ടി ശ്യാംലാലിന്റെ നേതൃത്വത്തിൽ നടത്തിയ അന്വേഷണത്തിലാണ് രണ്ടുപേരെയും അറസ്റ്റ് ചെയ്തത്. സൈബർ ക്രൈം പൊലീസ് സ്റ്റേഷൻ ഇൻസ്പെക്ടർ പ്രകാശ് എസ് പി, എസ് ഐ മനു ആർ ആർ, പൊലീസ് ഓഫീസർമാരായ വിനീഷ് വി എസ്, സമീർഖാൻ എ എസ്, മിനി എസ് . എന്നിവരടങ്ങിയ സംഘമാണ് അറസ്റ്റിന് നേതൃത്വം നൽകിയത്.


Keywords:  Thiruvananthapuram, Kasaragod, Kerala, News, Arrest, Social-Media, Police, Government, Worker, Photo, Facebook, FB Post, Morphed Image, Case of creating morphing image of a top government official and spread it through fake Facebook account; young man arrested. < !- START disable copy paste -->