നിറഞ്ഞുപെയ്ത് തുലാവർഷ മഴ; കാസർകോട് സർവകാല റെകോർഡ് മറി കടന്നു; പിന്നിലാക്കിയത് 89 വർഷ മുമ്പുള്ള ചരിത്രം

കാസർകോട്: (www.kasargodvartha.com 25.11.2021) തുലാവർഷ മഴയുടെ ലഭ്യതയിൽ കാസർകോട് സർവകാല റെകോർഡ് മറി കടന്നു. ശരാശരി ഈ കാലയളവിൽ ഇതുവരെ ലഭിക്കേണ്ടത് 322.7 മിലി മീറ്റർ മഴയായിരിക്കെ ഒക്ടോബർ ഒന്നുമുതൽ നവംബർ 25 വരെ ജില്ലയിൽ 801.2 മിലി മീറ്റർ മഴയാണ്​ പെയ്തത്​, ഇതുവരെ 148 ശതമാനം അധികമഴ. ഒക്ടോബർ ഒന്നുമുതൽ ഡിസംബർ 31 വരെയുള്ള തുലാവർഷ കാലയളവിൽ ജില്ലയിൽ ശരാശരി ലഭിക്കേണ്ടത് 344.4 മിലി മീറ്റർ മഴയാണ്.

  

1901 മുതലുള്ള 121 വർഷത്തെ തുലാവർഷ മഴയുടെ കണക്കിൽ ഇതുവരെ ഏറ്റവും കൂടുതൽ തുലാവർഷ മഴ ലഭിച്ച റെകോർഡ് ഇനി 2021ന് സ്വന്തം. 1932 ൽ രേഖപെടുത്തിയ 790.9 മിലി മീറ്റർ മഴയെയാണ് 2021 മറികടന്നത്. കേന്ദ്ര കാലാവസ്ഥ വകുപ്പിന്റെ 121, വർഷത്തെ ചരിത്രത്തിൽ ആദ്യമായാണ് കാസർകോട് ജില്ല തുലാവർഷ സീസണിൽ 800 മിലി മീറ്റർ മറി കടന്നത്. 700 മിലി മീറ്റർ രേഖപെടുത്തിയത് മൂന്നു തവണ (1932, 2002, 2021).

നേരത്തെ സംസ്ഥാന ശരാശരി മഴയും, പത്തനംതിട്ട, കൊല്ലം, ഇടുക്കി, പാലക്കാട്‌ ജില്ലകളും തുലാവർഷ മഴയയിൽ സർവകാല റെകോർഡ് മറി കടന്നിരുന്നു.


Keywords: Kasaragod, Kerala, News, Top-Headlines, Rain, Kasaragod breaks all-time record in the availability of monsoon rains.

< !- START disable copy paste -->