ഇതര മതക്കാരിയെ ബൈകിൽ കയറ്റിയ യുവാവിനെ സദാചാര പൊലീസ് ചമഞ്ഞ് മർദിച്ചതായി പരാതി; ആറു പേർ അറസ്റ്റിൽ

സൂപ്പി വാണിമേൽ

മംഗ്ളുറു: (www.kasargodvartha.com 16.11.2021) ഇതര മതക്കാരിയായ യുവതിയെ മോടോർ സൈകിളിന് പിറകിൽ ഇരുത്തി സഞ്ചരിക്കുകയായിരുന്ന യുവാവിനെ തടഞ്ഞു നിറുത്തി ആറംഗ സംഘം അക്രമിക്കുകയും യുവതിയെ താക്കീത് ചെയ്തതായും പരാതി.

  


സൂറത്കൽ പൊലീസ് സ്റ്റേഷൻ പരിധിയിലുണ്ടായ സംഭവത്തിൽ പരാതി ലഭിച്ച് മിനിറ്റുകൾക്കുള്ളിൽ അക്രമികൾ അറസ്റ്റിലായി. കെ പ്രതീഷ് (27), സി ഭരത് (28), വി പ്രഹ്ലാദ് (25), പി പ്രശാന്ത് (23), ഒ വി ഗുരുപ്രസാദ് (32), എസ് സുഖേഷ് (26) എന്നിവരാണ് അറസ്റ്റിലായത്.

വാടക വീട്ടിൽ നിന്ന് മറ്റൊന്നിലേക്ക് മാറുകയായിരുന്ന യുവതിയുടെ ലഗേജുകൾ എത്തിക്കാൻ സഹായിക്കുകയാണ് അക്രമത്തിനിരയായ യുവാവ് ചെയ്തതെന്ന് മംഗ്ളുറു സിറ്റി പൊലീസ് കമീഷനർ എൻ ശശികുമാർ പറഞ്ഞു.


Keywords:  Mangalore, Karnataka, News, Top-Headlines, Arrest, Police, Youth, Woman, Man, Attack, Threatened, Complaint, Complaint about moral policing: Six persons arrested.