കാഞ്ഞങ്ങാട് നഗരസഭ ഒഴിഞ്ഞവളപ്പ് വാർഡ് ഉപതിരഞ്ഞെടുപ്പ്: വോടർ പട്ടികയിൽ പേരുചേർക്കുന്നതിനും ആക്ഷേപങ്ങൾ ഉന്നയിക്കുന്നതിനും ഉൾക്കുറിപ്പുകൾ തിരുത്തുന്നതിനും നവംബർ എട്ട് വരെ അവസരം

കാഞ്ഞങ്ങാട്: (www.kasargodvartha.com 06.11.2021) നഗരസഭയിലെ ഒഴിഞ്ഞവളപ്പ് വാർഡിലെ ഉപതിരഞ്ഞെടുപ്പിന് മുന്നോടിയായി പ്രസിദ്ധികരിച്ച അന്തിമ വോടർ പട്ടികയിൽ പേര് ഉൾപെടുത്തുന്നതിനും ഉൾക്കുറിപ്പുകൾ തിരുത്തുന്നതിനും ആക്ഷേപങ്ങൾ ഉന്നയിക്കുന്നതിനും നവംബർ എട്ട് വരെ അവസരമുണ്ടായിരിക്കുന്നതാണെന്ന് നഗരസഭ സെക്രടറി അറിയിച്ചു.
 


സംസ്ഥാനത്തെ മൂന്ന് ജില്ലാ പഞ്ചായത്ത് വാർഡുകൾ ഉൾപെടെ 32 തദ്ദേശ വാർഡുകളിലേക്കാണ് ഉപതിരഞ്ഞെടുപ്പ് നടക്കുന്നത്. ഉപതിരഞ്ഞെടുപ്പിനു മുന്നോടിയായി അന്തിമ വോടർ പട്ടിക സെപ്‌റ്റംബർ 30-ന് പ്രസിദ്ധീകരിച്ചിരുന്നു.

വോടർ പട്ടിക www(dot)lsgelection(dot)kerala(dot)gov(dot)in എന്ന വെബ്‌സൈറ്റിലും ബന്ധപ്പെട്ട നഗരസഭ, താലൂക്, വിലേജ് ഓഫീസുകളിലും പ്രസിദ്ധീകരിച്ചു. അപേക്ഷകളും ആക്ഷേപങ്ങളും പരിശോധിച്ച് സപ്ലിമെന്ററി വോട്ടർ പട്ടിക പ്രസിദ്ധീകരിക്കും. കൗൺസിലർ ആയിരുന്ന കോൺഗ്രസിലെ ബനീഷ് രാജിന്റെ നിര്യാണത്തെ തുടർന്നാണ് ഉപതിരഞ്ഞെടുപ്പ് നടക്കുന്നത്.