സമാന്തര ഭാഗ്യക്കുറി വിൽപന സംബന്ധിച്ച് പൊലീസിന്റെ മിന്നൽ പരിശോധന; ഒരാൾ അറസ്റ്റിൽ

വെള്ളരിക്കുണ്ട്: (www.kasargodvartha.com 29.10.2021) മലയോര മേഖല കേന്ദ്രീകരിച്ചുകൊണ്ടുള്ള സമാന്തര ഭാഗ്യക്കുറി വിൽപന സംബന്ധിച്ച് ശാലകളിൽ പൊലീസ് നടത്തിയ മിന്നൽ പരിശോധനയിൽ ഒരാൾ അറസ്റ്റിൽ. ബളാലിൽ ഭാഗ്യക്കുറിശാല നടത്തുന്ന വെള്ളരിക്കുണ്ട് പൊലീസ് സ്റ്റേഷൻ പരിധിയിലെ പി ഷാജി (37) ആണ് അറസ്റ്റിലായത്.

  


ഇയാളിൽ നിന്നും സമാന്തര ഭാഗ്യക്കുറി എഴുത്തിന്റെ രേഖകളും പണവും മൊബൈൽ ഫോണും ലഭിച്ചതായി പൊലീസിന് പറഞ്ഞു. ഷാജിയെ കോടതിയിൽ ഹാജരാക്കും. വെള്ളരിക്കുണ്ട് ടൗണിലെ ലോടെറി സ്റ്റാളിലും പൊലീസ് പരിശോധന നടത്തിയിരുന്നു. വിൽപനശാല ഉടമയെ പൊലീസ് കസ്റ്റഡിയിൽ എടുത്തുവെങ്കിലും അന്വേഷണത്തിന് ശേഷം വിട്ടയച്ചു.

മലയോര മേഖല കേന്ദ്രീകരിച്ചു കൊണ്ട് ഒറ്റ നമ്പർ ചൂതാട്ട സംഘം പ്രവർത്തിക്കുന്നുണ്ടെന്ന രഹസ്യാന്വേഷണ വിഭാഗത്തിന് ലഭിച്ച വിവരത്തിന്റെ അടിസ്ഥാനത്തിൽ ജില്ലാ പൊലീസ് മേധാവിയുടെ നിർദേശപ്രകാരമായിരുന്നു പൊലീസ് പരിശോധന.
< !- START disable copy paste -->