ലഹരിമാഫിയക്കെതിരെ കർശന നടപടികളുമായി ചന്തേര ജനമൈത്രി പൊലീസ്; നിരോധിത ലഹരിവസ്തുക്കളുമായി ഒരാൾ അറസ്റ്റിൽ; 'വിൽക്കുന്ന കടകൾക്കെതിരെ ലൈസൻസ് റദ്ദ് ചെയ്യുന്നതടക്കമുള്ള നടപടികൾ'

 
ഇതര സംസ്ഥാനങ്ങളിൽ നിന്നും കേരളത്തിലെ യുവ തലമുറയെ ലക്ഷ്യമാക്കി ലഹരിമാഫിയകളുടെ പ്രവർത്തനം വിപുലമായതോടെയാണ് ഇത്തരം മാഫിയകൾക്കെതിരെ സ്റ്റേഷൻ പരിധിയിൽ ശക്തമായ പരിശോധന നടത്തുന്നതെന്ന് പൊലീസ് പറഞ്ഞു. പാൻ മസാല ഉത്പന്നങ്ങൾ നിരോധിച്ച സംസ്ഥാനമായിട്ടും ഇതര സംസ്ഥാന തൊഴിലാളികളെയും യുവാക്കളെയും സ്കൂൾ വിദ്യാർഥികളെയും ലക്ഷ്യം വെച്ച് വരുന്ന വൻ മാഫിയകൾക്കെതിരെ ശക്തമായ നടപടികളുമായി മുന്നേറാനാണ് തീരുമാനമെന്നും പൊലീസ് കൂട്ടിച്ചേർത്തു.

പൊതുജനങ്ങളുടെ സഹകരണത്തോടെ വിവിധ സ്ഥലങ്ങളിൽ കേന്ദ്രീകരിക്കപ്പെട്ട സംഘടനകൾ, സന്നദ്ധ പ്രവർത്തകർ, ക്ലബുകൾ, സാംസ്കാരിക പ്രവർത്തകർ എന്നിവരുടെ നിർദേശങ്ങൾ കൂടി കണക്കിലെടുത്തു കൊണ്ടുള്ള നീക്കമാണ് പൊലീസ് നടത്തുന്നത്. ലഹരി വസ്തുക്കൾ വിൽക്കുന്ന കടകൾക്കെതിരെ പഞ്ചായത്തുമായി ചേർന്ന് ലൈസൻസ് റദ്ദ് ചെയ്യുന്നതടക്കമുള്ള നടപടികളും വരും ദിവസങ്ങളിലുണ്ടാവുമെന്ന് പൊലീസ് അധികൃതർ അറിയിച്ചു.
< !- START disable copy paste -->