എന്‍.എ നെല്ലിക്കുന്ന് എംഎല്‍എ അധ്യക്ഷനാകും. രാജ്മോഹന്‍ ഉണ്ണിത്താന്‍ എംപി, അഡ്വ. സി എച് കുഞ്ഞമ്പു എംഎല്‍എ എന്നിവര്‍ മുഖ്യാതിഥികളാകും. മഞ്ചേശ്വരം താലൂകിക്കില്‍ എകെഎം അശ്‌റഫ് എംഎല്‍എയും ഹോസ്ദുര്‍ഗ് താലൂകില്‍ ഇ ചന്ദ്രശേഖരന്‍ എംഎല്‍എയും വെള്ളരിക്കുണ്ട് താലൂകില്‍ എം രാജഗോപാലന്‍ എംഎല്‍എയും പട്ടയവിതരണം നടത്തും. കോവിഡ് മാനദണ്ഡങ്ങള്‍ പാലിച്ചായിരിക്കും ചടങ്ങുകള്‍. തെരഞ്ഞെടുത്ത ഏതാനും പേര്‍ക്ക് ചടങ്ങുകളില്‍ വെച്ചും ബാക്കിയുള്ളവര്‍ക്ക് രണ്ട് ദിവസത്തിനകം ബന്ധപ്പെട്ട വിലേജ് ഓഫീസുകള്‍ വഴിയും വിതരണം നടത്തും.
ലാന്‍ഡ് അസൈന്‍മെന്റ്, മിച്ചഭൂമി, ലാന്‍ഡ് ട്രിബ്യൂണല്‍, ദേവസ്വം എന്നിങ്ങനെ വിവിധ വിഭാഗങ്ങളിലായി ജില്ലയില്‍ വിതരണം ചെയ്യുന്നത് 585 പട്ടയങ്ങളാണ്. കേരള ഭൂപതിവ് ചട്ടപ്രകാരം കാസര്‍കോട് താലൂകില്‍ 86 പട്ടയങ്ങളും മഞ്ചേശ്വരം താലൂകില്‍ 17 പട്ടയങ്ങളും വെള്ളരിക്കുണ്ട് താലൂകില്‍ 43 പട്ടയങ്ങളും ഹോസ്ദുര്‍ഗ് താലൂകില്‍ 52 പട്ടയങ്ങളും വിതരണം ചെയ്യും. മുന്‍സിപല്‍ പട്ടയം വിഭാഗത്തില്‍ കാസര്‍കോട് നഗരസഭയില്‍ 11 പട്ടയങ്ങളാണ് വിതരണം ചെയ്യുക. ക്രയവിക്രയ സെർടിഫികറ്റ് വിഭാഗത്തില്‍ 229 പട്ടയങ്ങളും മിച്ചഭൂമി വിഭാഗത്തില്‍ 72 പട്ടയങ്ങളും ദേവസ്വം വിഭാഗത്തില്‍ 75 പട്ടയങ്ങളും വിതരണം ചെയ്യും.
വാർത്താസമ്മേളനത്തില്‍ ഡെപ്യൂടി കലക്ടര്‍ (എല്‍ ആര്‍) കെ രവികുമാര്‍ സംബന്ധിച്ചു.
Keywords: Kerala, Kasaragod, News, District Collector, Minister, Conference, MLA,N.A. Nellikunnu, Press meet, Pattaya Mela on September 14 in Kasaragod.< !- START disable copy paste -->