നാം ഹനീഫ; പരിസ്ഥിതിയും മനുഷ്യനും തമ്മിലുള്ള ആത്മബന്ധം വരച്ചുകാട്ടിയ മൂത്താപ്പ

മൂത്തായും കുടുംബവും അവരുടെ മൈൽപാറയിലെ വീട് മാറി ഞങ്ങളുടെ തറവാട് വീട്ടിലേക്ക്‌ താമസം മാറിയത് മുതൽ ഞാൻ പതിവായി കാണാറുള്ള കാഴ്ചയായിരുന്നു രാവിലേയും വൈകുന്നേരവും ചെടികളോടും മണ്ണിനോടും സംസാരിക്കുന്ന മൂത്തയെയാണ്. വൃക്ഷങ്ങൾ നട്ട് പിടിപ്പിക്കുന്നതും, അത് പൂവിടുന്നതും കായ്ക്കുന്നതും ഞങ്ങൾ കുട്ടികളെ കൊണ്ട് കാണിക്കും, ഒരു പൂവ് വിരിയുന്നത് പോലെ മൂത്തയുടെ മുഖത്ത് പുഞ്ചിരി വിടരുന്നതും ഞങ്ങൾ കൗതുകത്തോടെ നോക്കി കാണാറുണ്ട്.

എവിടെ കണ്ടാലും വ്യത്യസ്തമായി കാണുന്ന ചെടികളെയും മരങ്ങളെയും കൊണ്ടുവന്നു വീട്ടുപറമ്പിൽ നടുകയും, മറ്റുള്ളവരിലേക്ക് അതിൻറെ ഗുണത്തെ കുറിച്ച് വിവരിക്കുന്നതും അതിൽ നിന്ന് ലഭിക്കുന്ന ഫലം മറ്റുള്ളവരിലേക്ക് എത്തിക്കുന്നതും മൂത്തയുടെ സ്ഥിരം ഹോബിയായിരുന്നു.

പരിസ്ഥിതിയെയും മണ്ണിനേയും ഇത്രയും സ്നേഹിച്ച ഞങ്ങളുടെ മൂത്താന്റെ വിയർപ്പിന്റെ ഗന്ധത്തെ പറ്റി പറയാൻ ഉമ്മാച്ച കോമ്പൗണ്ടിലെ ഓരോ ചെടികൾക്കും, മരങ്ങൾക്കും ഒരുപാട് കഥകളുണ്ടാകും. പരിസ്ഥിതിയുടെ പച്ചപ്പ് എന്നും ഒരു വികാരമായി കണ്ട് അത് ജീവന് തുല്യം സ്നേഹിക്കാൻ കുടുംബത്തിന് എന്നും ഉത്തേജനം തന്ന മൂത്തയുടെ വേർപാടിന്റെ ഏഴാം ദിവസം തന്നെ പരിസ്ഥിതി ദിനത്തിൻറെ മഹത്വം എഴുതാൻ എനിക്കവസരം വന്നിരിക്കുന്നു.
< !- START disable copy paste -->