ചിറ്റാരിക്കാൽ: (www.kasargodvartha.com 06.03.2021) വൈദ്യുതി ലൈനിൽ അറ്റകുറ്റപണികൾ നടത്തുന്നതിനിടയിൽ അന്യസംസ്ഥാന തൊഴിലാളി ഷോക്കേറ്റ് മരിച്ചു. മധ്യപ്രദേശ് സ്വദേശി ശ്യാംലാൽ (38) ആണ് മരണപ്പെട്ടത്. നല്ലോമ്പുഴ വൈദ്യുതി ഓഫീസിന്റെ പരിധിയിൽ ഉൾപ്പെടുന്ന പാലാവയൽ -ഓടക്കൊല്ലി പ്രദേശത്തെ എൽ ടി വൈദ്യുതി കമ്പികൾ മാറ്റിയിടുന്ന സ്വകാര്യ വ്യക്തിയുടെ കരാർ തൊഴിലാളിയാണ് മരിച്ച ശ്യാംലാൽ.
ഓടപ്പള്ളിയിൽ കരാറുകാരനോടൊപ്പം ജോലിയിൽ ഏർപെട്ടതായിരുന്നു ശ്യാംലാൽ . ജോലിക്കിടയിൽ എച് ടി ലൈനിൽ നിന്നും വെദ്യുതിയാഘാതമേറ്റ നിലത്തുവീണ ശ്യാംലാലിനെ ചെറുപുഴയിലെ സ്വകാര്യ ആശുപത്രയിൽ എത്തിച്ചുവെങ്കിലും രക്ഷിക്കാൻ കഴിഞ്ഞില്ല.
പോസ്റ്റ് മോർട്ടത്തിനായി മൃതദേഹം പരിയാരം മെഡികൽ കോളജിലേക്കു കൊണ്ടുപോയി. ഭാര്യയും നാലുമക്കളും അടങ്ങുന്ന കുടുംബം മധ്യപ്രദേശിലാണ്.
Keywords: Kerala, News, Kasaragod, Top-Headlines, Death, Electricity, Electric post, Worker, Shock, Chittarikkal, Electricity worker died after electrocuted during work.
< !- START disable copy paste -->