പ്രാദേശിക മാധ്യമപ്രവർത്തകർക്കായി പ്രത്യേക ക്ഷേമ പദ്ധതി പാകേജ‌് അനുവദിക്കണം: കെ ആർ എം യു

കാഞ്ഞങ്ങാട്: (www.kasargodvartha.com 07.02.2021) പ്രാദേശിക മാധ്യമപ്രവർത്തകർക്കായി പ്രത്യേക ക്ഷേമ പദ്ധതി പാകേജ‌് അനുവദിക്കണമെന്ന‌ും കണ്ണൂർ സർവ്വകലാശാലകളിലുള്ള തിരഞ്ഞടുക്കപ്പട്ട കോളേജ‌ുകളിൽ ജേർണലിസം പിജി കോഴ്സ‌് അനുവദിക്കണമെന്നും മാധ്യമ പ്രവർത്തകരുടെ ആദ്യ രജിസ്ട്രേഡ് ട്രേഡ് യൂണിയനായ കേരള റിപോർടേഴ്സ് ആന്റ് മീഡിയ പേഴ്സൺസ് യൂണിയൻ (കെ ആർ എം യു) കാസർകോട് ജില്ലാ സമ്മേളനം ആവശ്യപ്പെട്ടു.

പ്രസ് ഫോറം ഹാളിൽ നടന്ന സമ്മേളനം നരസഭ ചെയർ പേഴ്സൺ കെ വി സുജാത ഉദ്ഘാടനം ചെയ‌്തു. ടി കെ നാരായണൻ അധ്യക്ഷനായി. കാഞ്ഞങ്ങാട് നടന്ന സംസ്ഥാന സ്കൂൾ കലോത്സവത്തിലെ റിപോർടിങ് ഗിന് ഒന്നാം സമ്മാനം ലഭിച്ച ഇ വി ജയകൃഷ്ണൻ (മാതൃഭൂമി ), മികച്ച ഫോട്ടോഗ്രാഫറായ സുരേന്ദ്രൻ മടിക്കൈ (ദേശാഭിമാനി), അതിയാമ്പൂർ കുഞ്ഞികൃഷ്ണൻ സ്മാരക അവാർഡിനർഹനായ ശ്യാംബാബു വെളളിക്കോത്ത് (മനോരമ) എന്നിവരെയും യൂണിയൻ അംഗങ്ങളും ഫോക്ക‌്ലോർ അക്കാദമി അവാർഡ‌് ജേതാവ‌ുമായ എ വി പ്രഭാകരൻ, തൃക്കരിപ്പുർ പഞ്ചായത്തംഗമായി തിരഞ്ഞെടുക്കപ്പെട്ട ഫാഇസ‌് ബീരിച്ചേരി എന്നിവർക്ക‌് ‌ യൂണിയന്റെ ഉപഹാരം നഗരസഭാ ചെയർപേ‌ഴ‌്സൺ സമ്മാനിച്ചു.