കാസർകോട് നഗരസഭയിൽ ഇനി പുരുഷ കേസരികൾ തിളങ്ങും; എസ് സി സംവരണ വാർഡ് സ്ത്രീക്ക്

തളങ്കര കെ കെ പുറം വാർഡാണ് എസ് സി സ്ത്രീ സംവരണമായി നിശ്ചയിച്ചത്. മൂന്നാം വാർഡായ അടുക്കത്ത്ബയൽ, അഞ്ചാം വാർഡായ കറന്തക്കാട്, ആറാം വാർഡായ ആന ബാഗിലു, എട്ടാം വാർഡായ നുള്ളിപ്പാടി, 11-ാം വാർഡായ ബെദിര, 13-ാം വാർഡായ ചാലക്കുന്ന്, 17-ാം വാർഡായ ചെന്നിക്കര, 19-ാംവാർഡായ കൊറക്കോട്, 20-ാം വാർഡായ ഫിഷ് മാർക്കറ്റ്, 21-ാം വാർഡായ ഹൊന്ന മൂല, 23-ാം വാർധായ പള്ളിക്കാൽ, 29-ാം വാർഡായ തളങ്കര പടിഞ്ഞാർ, 33-ാം വാർഡായ ബീരന്ത് വയൽ, 35-ാം വാർഡായ പള്ളം, 38-ാം വാർഡായ ലൈറ്റ് ഹൗസ് എന്നിങ്ങനെയാണ് സ്ത്രീ സംവരണ വാർഡുകൾ.

നഗരസഭാ സെകട്ടറി മുഹമ്മദ് ഷാഫി, ക്ലാർക്ക് എൻ എസ് നസീം എന്നിവരാണ് നറുക്കെടുപ്പിൽ നഗരസഭയ്ക്ക് വേണ്ടി സന്നിഹിതരായത്. നിലവിൽ നഗരസഭയിൽ സ്ത്രീ മേധാവിത്വമായിരുന്നു. 22 സ്ത്രീകളും 16 പുരുഷൻമാരുമാണ് കൗൺസിലർമാരായിട്ടുള്ളത്.