Join Whatsapp Group. Join now!
Aster MIMS 10/10/2023

കാസര്‍കോട്ട് കോവിഡ് സ്ഥിരികരിച്ച 28 പേരില്‍ 7 പേര്‍ക്ക് രോഗം പിടിപ്പെട്ടത് സമ്പര്‍ക്കം വഴി

കാസര്‍കോട്ട് കോവിഡ് സ്ഥിരികരിച്ച 28 പേരില്‍ 7 പേര്‍ക്ക് രോഗം പിടിപ്പെട്ടത് സമ്പര്‍ക്കം വഴി. രോഗം സ്ഥിരീകരിച്ചവരില്‍ 10 പേര്‍ വിദേശത്ത് നിന്ന് വന്നവരും 11 പേര്‍ ഇതര സംസ്ഥാനങ്ങളില്‍ നിന്ന് വന്നവരുമാണെന്ന് ഡിഎം ഒ ഡോ എ വി രാംദാസ് അറിയിച്ചു. Kerala, kasaragod, news, COVID-19, Corona, Top-Headlines, Trending, 28 covid positive cases in kasaragod
കാസര്‍കോട്: (www.kasargodvartha.com 05.07.2020)  കാസര്‍കോട്ട് കോവിഡ് സ്ഥിരികരിച്ച 28 പേരില്‍ 7 പേര്‍ക്ക് രോഗം പിടിപ്പെട്ടത് സമ്പര്‍ക്കം വഴി.
രോഗം സ്ഥിരീകരിച്ചവരില്‍ 10 പേര്‍ വിദേശത്ത് നിന്ന് വന്നവരും 11 പേര്‍ ഇതര സംസ്ഥാനങ്ങളില്‍ നിന്ന് വന്നവരുമാണെന്ന് ഡിഎം ഒ ഡോ എ വി രാംദാസ് അറിയിച്ചു.

ജൂണ്‍ 16 ന് ഷാര്‍ജയില്‍ നിന്ന് വന്ന 64 വയസുള്ള അജാനൂര്‍ പഞ്ചായത്ത് സ്വദേശി, ജൂണ്‍ 20 ന് ദുബായില്‍ നിന്ന് വന്ന 39 വയസുള്ള അജാനൂര്‍ പഞ്ചായത്ത് സ്വദേശി, ജൂണ്‍ 11 ന് കുവൈത്തില്‍ നിന്ന് വന്ന 64 വയസുള്ള പള്ളിക്കര പഞ്ചായത്ത് സ്വദേശി, ജൂണ്‍ 22 ന് ഷാര്‍ജയില്‍ നിന്ന് വന്ന 39 വയസുള്ള പുല്ലൂര്‍ പെരിയ പഞ്ചായത്ത് സ്വദേശി, ജൂണ്‍ 20 ന് ദുബായില്‍ നിന്ന് വന്ന 31 വയസുള്ള കോടോംബേളൂര്‍ പഞ്ചായത്ത് സ്വദേശി, ജൂണ്‍ 30 ന് ദുബായില്‍ നിന്ന് വന്ന 23 വയസുള്ള മംഗല്‍പാടി പഞ്ചായത്ത് സ്വദേശി, ജൂണ്‍ 20 ന് ദുബായില്‍ നിന്ന് വന്ന 33 വയസുള്ള കുമ്പള പഞ്ചായത്ത് സ്വദേശി, ജൂണ്‍ 25 ന് ഖത്തറില്‍ നിന്ന് വന്ന 43 വയസുള്ള മംഗല്‍പാടി പഞ്ചായത്ത് സ്വദേശി, ജൂണ്‍ 25 ന് ദുബായില്‍ നിന്ന് വന്ന 27 വയസുള്ള പുല്ലൂര്‍ പെരിയ പഞ്ചായത്ത് സ്വദേശി, ജൂലൈ രണ്ടിന് കുവൈത്തില്‍ നിന്ന് വന്ന 48 വയസുള്ള അജാനൂര്‍ പഞ്ചായത്ത് സ്വദേശി എന്നിവര്‍ക്കാണ് വിദേശത്ത് നിന്ന് വന്ന് കോവിഡ് സ്ഥിരീകരിച്ചത്.

വോര്‍ക്കാടി പഞ്ചായത്തിലെ 13 വയസുള്ള ആണ്‍ കുട്ടി, ജൂലൈ 2 ന് എറണാകുളത്ത് നിന്ന് ടാക്‌സി കാറില്‍ വന്ന 24 വയസുള്ള കുമ്പള പഞ്ചായത്ത് സ്വദേശി, സമൂഹ അടുക്കളയില്‍ ജോലി ചെയ്തിരുന്ന 47 വയസുള്ള മഞ്ചേശ്വരം പഞ്ചായത്ത് സ്വദേശിനി, സമൂഹ അടുക്കളയില്‍ ജോലി ചെയ്തിരുന്ന 44 വയസുള്ള മീഞ്ച പഞ്ചായത്ത് സ്വദേശി, ഹോസങ്കടിയിലെ സ്വകാര്യ ലാബ് ടെക്‌നീഷന്മാരായ 21 വയസുള്ള മഞ്ചേശ്വരം പഞ്ചായത്ത് സ്വദേശിനി, 21 വയസുള്ള വോര്‍ക്കാടി പഞ്ചായത്ത് സ്വദേശിനി, 26 വയസുള്ള പൈവളിഗെ പഞ്ചായത്ത് സ്വദേശിനി എന്നിവര്‍ക്കാണ് സമ്പര്‍ക്കം വഴി രോഗം പിടിപ്പെട്ടത്.

മംഗളൂരുവില്‍ നിന്ന് ജൂണ്‍ 30 ന് വന്ന 41 വയസുള്ള മീഞ്ച സ്വദേശിക്ക് മംഗലൂരില്‍ നിന്ന് സമ്പര്‍ക്കം വഴി രോഗം പിടിപ്പെട്ടു.

ജൂണ്‍ 28 ന് മഹാരാഷ്ട്രയില്‍ നിന്ന് വന്ന 51 വയസുള്ള മംഗല്‍പാടി പഞ്ചായത്ത് സ്വദേശി, ജൂണ്‍ 30 ന് മംഗളൂരുവില്‍ നിന്ന് വന്ന 41 വയസുള്ള മീഞ്ച പഞ്ചായത്ത് സ്വദേശി, ജൂണ്‍ 23 ന് മഹാരാഷ്ട്രയില്‍ നിന്ന് വന്ന 36 വയസുള്ള എന്‍മകജെ പഞ്ചായത്ത് സ്വദേശിനി, ജൂണ്‍ 29 ന് ബംഗളൂരുവില്‍ നിന്ന് വന്ന 47 വയസുള്ള മൊഗ്രാല്‍പുത്തൂര്‍ പഞ്ചായത്ത് സ്വദേശി, ജൂണ്‍ 30 ന് മംഗളൂരുവില്‍ നിന്ന് വന്ന 40 വയസുള്ള മധുര്‍ പഞ്ചായത്ത് സ്വദേശി, ജൂണ്‍ 29 ന് മംഗളൂരുവില്‍ നിന്ന് വന്ന 53 വയസുള്ള കാസര്‍കോട് നഗരസഭാ സ്വദേശി, ജൂണ്‍ 29 ന് മംഗളൂരുവില്‍ നിന്ന് വന്ന മുളിയാര്‍ പഞ്ചായത്തിലെ 35, 30 വയസുള്ള സഹോദരങ്ങള്‍, മംഗളൂരുവില്‍ നിന്ന് ബൈക്കില്‍ വന്ന 22 വയസുള്ള മഞ്ചേശ്വരം പഞ്ചായത്ത് സ്വദേശി, ജൂണ്‍ 30 ന് ബംഗളൂരുവില്‍ നിന്ന് വന്ന 43 വയസുള്ള മഞ്ചേശ്വരം പഞ്ചായത്ത് സ്വദേശി, ജൂണ്‍ 29 ന് ബംഗളൂരുവില്‍ നിന്ന് വന്ന 34 വയസുള്ള മൊഗ്രാല്‍പുത്തൂര്‍ പഞ്ചായത്ത് സ്വദേശിനി എന്നിവര്‍ക്കാണ് ഇതര സംസ്ഥാനത്ത് നിന്ന് വന്ന് രോഗം സ്ഥിരീകരിച്ചത്.

ജില്ലയില്‍ 7230 പേരാണ് നിരീക്ഷണത്തിലുള്ളത്. വീടുകളില്‍ 6902 പേരും ക്വാറന്റൈന്‍ കേന്ദ്രങ്ങളില്‍ 328 പേരുമാണ് നിരീക്ഷണത്തിലുള്ളത്. സന്റിനല്‍ സര്‍വ്വേ അടക്കം പുതിയതായി 345 പേരുടെ സാമ്പിളുകള്‍ പരിശോധനയ്ക്ക് അയച്ചിട്ടുണ്ട്. 919 പേരുടെ പരിശോധനാ ഫലം ഇനിയും ലഭിക്കാനുണ്ട്. 326 പേര്‍ ക്വാറന്റൈന്‍ കാലയളവ് പൂര്‍ത്തീകരിച്ചു.



Keywords: Kerala, kasaragod, news, COVID-19, Corona, Top-Headlines, Trending, 28 covid positive cases in kasaragod