കാസര്‍കോട്: (www.kasargodvartha.com 09.06.2020) മുംബൈയില്‍ നിന്നും വരുന്ന കാമുകിക്കൊപ്പം ക്വാറന്റൈനില്‍ താമസിക്കാന്‍ കാസര്‍കോട്ടെ യുവാവ് ചെയ്തത് സിനിമാ കഥയെ വെല്ലുന്ന തട്ടിക്കൊണ്ടുപോകല്‍ നാടകം. പോലീസ് ഇടപെട്ടതോടെ പണിപാളുകയും ഇരുവരെയും വെവ്വേറെ ക്വാറന്റൈന്‍ കേന്ദ്രത്തിലാക്കുകയും ചെയ്തു. നേപ്പാള്‍ സ്വദേശിനിയായ യുവതിക്കൊപ്പം ചേര്‍ന്നാണ് യുവാവ് തട്ടിക്കൊണ്ടുപോകല്‍ നാടകം മെനഞ്ഞത്.
കഴിഞ്ഞ ദിവസം മുംബൈയില്‍ നിന്ന് ട്രെയിനില്‍ നേത്രാവതി എക്സ്പ്രസില്‍ കോഴിക്കോട്ടെത്തിയതായിരുന്നു നേപ്പാള്‍ സ്വദേശിനിയായ യുവതി. ഗര്‍ഭിണിയായ താന്‍ ട്രെയിനില്‍ ഉറങ്ങിപ്പോയെന്നും ഭര്‍ത്താവ് കാസര്‍കോട് റെയില്‍വെ സ്റ്റേഷനില്‍ കാത്തുനില്‍ക്കുന്നുണ്ടെന്നും യുവതി കോഴിക്കോട് റെയില്‍വെ സ്റ്റേഷനിലുണ്ടായിരുന്ന പോലീസുദ്യോഗസ്ഥരെ അറിയിക്കുകയായിരുന്നു. കാസര്‍കോട്ടെത്തണമെന്ന് പറഞ്ഞ് യുവതി ബഹളം വെച്ചതോടെ കോഴിക്കോട് പോലീസ് അവിടെ നിന്നും കാര്‍ ഏര്‍പ്പാടാക്കി കാസര്‍കോട്ടേക്ക് യാത്രയാക്കി. കാസര്‍കോട്ടുള്ള യുവാവിന്റെ ഫോണില്‍ ബന്ധപ്പെടുകയും ചെയ്തു. കാര്‍ ഡ്രൈവര്‍ക്ക് യുവാവ് വിശദമായ വഴിയും പറഞ്ഞുകൊടുത്തു.
കാര്‍ കാസര്‍കോട്ട് എത്താറായതോടെ ഡ്രൈവറെ യുവാവ് ഫോണില്‍ വിളിക്കുകയും വഴിയില്‍ രണ്ടുപേര്‍ കാത്തുനില്‍ക്കുമെന്നും യുവതിയെ അവര്‍ക്കൊപ്പം വിടണമെന്നും അറിയിക്കുകയും ചെയ്തു. എന്നാല്‍ യുവതിയുടെ സുരക്ഷ മുന്‍നിര്‍ത്തി പോലീസ് സ്റ്റേഷന് മുന്നില്‍ ഇറക്കാമെന്നായിരുന്നു ഡ്രൈവറുടെ മറുപടി. പുത്തൂര്‍ കടവത്ത് റോഡിനടുത്തെത്തിയപ്പോള്‍ ഒരു യുവാവ് കൈകാണിച്ച് കാര്‍ നിര്‍ത്തിക്കുകയും യുവതിയെ ഇറക്കുകയും ചെയ്തു. തുടര്‍ന്ന് കുറച്ചുപണം കാറിനുള്ളിലേക്കിട്ട് നേപ്പാള്‍ സ്വദേശിനിയും യുവാവും ഓടിപ്പോവുകയും ചെയ്തു. ഡ്രൈവര്‍ പിറകെ ഓടിയതോടെ മറ്റൊരു യുവാവെത്തി യുവതിയുടെ കാറിനകത്തുണ്ടായിരുന്ന ഹാന്‍ഡ് ബാഗെടുത്ത് സ്ഥലം വിട്ടു.
തട്ടിക്കൊണ്ടുപോകല്‍ നാടകം പകുതി വിജയം കണ്ടതിനിടെയാണ് സംഭവം കാര്‍ ഡ്രൈവര്‍ പോലീസിനെ അറിയിക്കുന്നത്. ഇതോടെ പോലീസ് ഇടപെട്ടു. കാസര്‍കോട് സി ഐയുടെ നേതൃത്വത്തില്‍ ഇവര്‍ക്കായി തിരച്ചില്‍ ആരംഭിച്ചു. ഒടുവില്‍ കാസര്‍കോട് റെയില്‍വേ സ്റ്റേഷന് പരിസരത്തു വെച്ച് ഇരുവരെയും പോലീസ് കണ്ടെത്തി. ചോദ്യം ചെയ്യലില്‍ തട്ടിക്കൊണ്ടുപോകല്‍ നാടകം പൊളിഞ്ഞു. ക്വാറന്റൈന്‍ കേന്ദ്രത്തില്‍ ഒപ്പം താമസിക്കാന്‍ വേണ്ടിയായിരുന്നു ഇങ്ങനെ ചെയ്തതെന്നായിരുന്നു യുവാവിന്റെ വെളിപ്പെടുത്തല്‍. ഇതുകേട്ട് പോലീസ് ആദ്യമൊന്ന് ഞെട്ടി. കൂടുതല്‍ ചോദ്യം ചെയ്തതോടെ യുവാവ് സംഭവം വിവരിച്ചു.
യുവാവിന്റെ വീട്ടിലെ വേലക്കാരിയായിരുന്നു നേപ്പാള്‍ സ്വദേശിനിയായ യുവതി. ഇരുവരും തമ്മിലുള്ള ബന്ധം പുറത്തറിഞ്ഞതോടെ യുവതിയെ യുവാവിന്റെ വീട്ടുകാര്‍ പറഞ്ഞുവിട്ടു. എന്നാല്‍ ഇരുവരും ഫോണിലൂടെ ബന്ധം തുടര്‍ന്നിരുന്നു. കഴിഞ്ഞ ദിവസം മുംബൈയില്‍ നിന്ന് പുറപ്പെടുന്നതിന് മുമ്പ് താന്‍ കേരളത്തിലേക്ക് വരുന്നതായി യുവതി യുവാവിനെ ഫോണില്‍ അറിയിച്ചു. ഇതോടെയാണ് തട്ടിക്കൊണ്ടുപോകല്‍ തിരക്കഥ തയ്യാറാക്കിയത്.
യുവതിയെ തന്റെ കുടുംബം വീട്ടില്‍ കയറ്റില്ലെന്നും സര്‍ക്കാര്‍ ഇടപെട്ട് ഇന്‍സ്റ്റിറ്റിയൂഷണല്‍ ക്വാറന്റൈനില്‍ പാര്‍പ്പിക്കുമെന്നും തട്ടിക്കൊണ്ടുപോകല്‍ നാടകത്തിലൂടെ രണ്ടുപേര്‍ക്കും അവിടെ ഒരുമിച്ച് കഴിയാമെന്നുമായിരുന്നു യുവാവ് മനസില്‍ കണക്കുകൂട്ടിയത്. എന്നാല്‍ പോലീസ് ഇടപെടല്‍ നേപ്പാള്‍ സ്വദേശിനിയെയും യുവാവിനെയും രണ്ടിടങ്ങളിലായി നിരീക്ഷണത്തിലാക്കി. യുവതിയുമായി അടുത്ത് ഇടപഴകിയതിനാലാണ് യുവാവിനെയും നിരീക്ഷണത്തിലേക്ക് മാറ്റിയതെന്ന് പോലീസ് പറഞ്ഞു.
Keywords: Kasaragod, Kerala, News, Mumbai, Youth, Love, Youth Prepared dramatic incidents for staying with Lover
കഴിഞ്ഞ ദിവസം മുംബൈയില്‍ നിന്ന് ട്രെയിനില്‍ നേത്രാവതി എക്സ്പ്രസില്‍ കോഴിക്കോട്ടെത്തിയതായിരുന്നു നേപ്പാള്‍ സ്വദേശിനിയായ യുവതി. ഗര്‍ഭിണിയായ താന്‍ ട്രെയിനില്‍ ഉറങ്ങിപ്പോയെന്നും ഭര്‍ത്താവ് കാസര്‍കോട് റെയില്‍വെ സ്റ്റേഷനില്‍ കാത്തുനില്‍ക്കുന്നുണ്ടെന്നും യുവതി കോഴിക്കോട് റെയില്‍വെ സ്റ്റേഷനിലുണ്ടായിരുന്ന പോലീസുദ്യോഗസ്ഥരെ അറിയിക്കുകയായിരുന്നു. കാസര്‍കോട്ടെത്തണമെന്ന് പറഞ്ഞ് യുവതി ബഹളം വെച്ചതോടെ കോഴിക്കോട് പോലീസ് അവിടെ നിന്നും കാര്‍ ഏര്‍പ്പാടാക്കി കാസര്‍കോട്ടേക്ക് യാത്രയാക്കി. കാസര്‍കോട്ടുള്ള യുവാവിന്റെ ഫോണില്‍ ബന്ധപ്പെടുകയും ചെയ്തു. കാര്‍ ഡ്രൈവര്‍ക്ക് യുവാവ് വിശദമായ വഴിയും പറഞ്ഞുകൊടുത്തു.
കാര്‍ കാസര്‍കോട്ട് എത്താറായതോടെ ഡ്രൈവറെ യുവാവ് ഫോണില്‍ വിളിക്കുകയും വഴിയില്‍ രണ്ടുപേര്‍ കാത്തുനില്‍ക്കുമെന്നും യുവതിയെ അവര്‍ക്കൊപ്പം വിടണമെന്നും അറിയിക്കുകയും ചെയ്തു. എന്നാല്‍ യുവതിയുടെ സുരക്ഷ മുന്‍നിര്‍ത്തി പോലീസ് സ്റ്റേഷന് മുന്നില്‍ ഇറക്കാമെന്നായിരുന്നു ഡ്രൈവറുടെ മറുപടി. പുത്തൂര്‍ കടവത്ത് റോഡിനടുത്തെത്തിയപ്പോള്‍ ഒരു യുവാവ് കൈകാണിച്ച് കാര്‍ നിര്‍ത്തിക്കുകയും യുവതിയെ ഇറക്കുകയും ചെയ്തു. തുടര്‍ന്ന് കുറച്ചുപണം കാറിനുള്ളിലേക്കിട്ട് നേപ്പാള്‍ സ്വദേശിനിയും യുവാവും ഓടിപ്പോവുകയും ചെയ്തു. ഡ്രൈവര്‍ പിറകെ ഓടിയതോടെ മറ്റൊരു യുവാവെത്തി യുവതിയുടെ കാറിനകത്തുണ്ടായിരുന്ന ഹാന്‍ഡ് ബാഗെടുത്ത് സ്ഥലം വിട്ടു.
തട്ടിക്കൊണ്ടുപോകല്‍ നാടകം പകുതി വിജയം കണ്ടതിനിടെയാണ് സംഭവം കാര്‍ ഡ്രൈവര്‍ പോലീസിനെ അറിയിക്കുന്നത്. ഇതോടെ പോലീസ് ഇടപെട്ടു. കാസര്‍കോട് സി ഐയുടെ നേതൃത്വത്തില്‍ ഇവര്‍ക്കായി തിരച്ചില്‍ ആരംഭിച്ചു. ഒടുവില്‍ കാസര്‍കോട് റെയില്‍വേ സ്റ്റേഷന് പരിസരത്തു വെച്ച് ഇരുവരെയും പോലീസ് കണ്ടെത്തി. ചോദ്യം ചെയ്യലില്‍ തട്ടിക്കൊണ്ടുപോകല്‍ നാടകം പൊളിഞ്ഞു. ക്വാറന്റൈന്‍ കേന്ദ്രത്തില്‍ ഒപ്പം താമസിക്കാന്‍ വേണ്ടിയായിരുന്നു ഇങ്ങനെ ചെയ്തതെന്നായിരുന്നു യുവാവിന്റെ വെളിപ്പെടുത്തല്‍. ഇതുകേട്ട് പോലീസ് ആദ്യമൊന്ന് ഞെട്ടി. കൂടുതല്‍ ചോദ്യം ചെയ്തതോടെ യുവാവ് സംഭവം വിവരിച്ചു.
യുവാവിന്റെ വീട്ടിലെ വേലക്കാരിയായിരുന്നു നേപ്പാള്‍ സ്വദേശിനിയായ യുവതി. ഇരുവരും തമ്മിലുള്ള ബന്ധം പുറത്തറിഞ്ഞതോടെ യുവതിയെ യുവാവിന്റെ വീട്ടുകാര്‍ പറഞ്ഞുവിട്ടു. എന്നാല്‍ ഇരുവരും ഫോണിലൂടെ ബന്ധം തുടര്‍ന്നിരുന്നു. കഴിഞ്ഞ ദിവസം മുംബൈയില്‍ നിന്ന് പുറപ്പെടുന്നതിന് മുമ്പ് താന്‍ കേരളത്തിലേക്ക് വരുന്നതായി യുവതി യുവാവിനെ ഫോണില്‍ അറിയിച്ചു. ഇതോടെയാണ് തട്ടിക്കൊണ്ടുപോകല്‍ തിരക്കഥ തയ്യാറാക്കിയത്.
യുവതിയെ തന്റെ കുടുംബം വീട്ടില്‍ കയറ്റില്ലെന്നും സര്‍ക്കാര്‍ ഇടപെട്ട് ഇന്‍സ്റ്റിറ്റിയൂഷണല്‍ ക്വാറന്റൈനില്‍ പാര്‍പ്പിക്കുമെന്നും തട്ടിക്കൊണ്ടുപോകല്‍ നാടകത്തിലൂടെ രണ്ടുപേര്‍ക്കും അവിടെ ഒരുമിച്ച് കഴിയാമെന്നുമായിരുന്നു യുവാവ് മനസില്‍ കണക്കുകൂട്ടിയത്. എന്നാല്‍ പോലീസ് ഇടപെടല്‍ നേപ്പാള്‍ സ്വദേശിനിയെയും യുവാവിനെയും രണ്ടിടങ്ങളിലായി നിരീക്ഷണത്തിലാക്കി. യുവതിയുമായി അടുത്ത് ഇടപഴകിയതിനാലാണ് യുവാവിനെയും നിരീക്ഷണത്തിലേക്ക് മാറ്റിയതെന്ന് പോലീസ് പറഞ്ഞു.
Keywords: Kasaragod, Kerala, News, Mumbai, Youth, Love, Youth Prepared dramatic incidents for staying with Lover