കാസര്‍കോട്ട് ബുധനാഴ്ച കോവിഡ് സ്ഥിരീകരിച്ചത് വിദേശത്തു നിന്നും മഹാരാഷ്ട്രയില്‍ നിന്നും എത്തിയവര്‍ക്ക്

കാസര്‍കോട്: (www.kasargodvartha.com 17.06.2020) ജില്ലയില്‍ ബുധനാഴ്ച കോവിഡ് സ്ഥിരീകരിച്ചത് വിദേശത്ത് നിന്ന് വന്ന ഏഴു പേര്‍ക്കും മഹാരാഷ്ട്രയില്‍ നിന്ന് വന്ന രണ്ട് പേര്‍ക്കുമാണെന്ന് ഡി എം ഒ ഡോ എ വി രാംദാസ് അറിയിച്ചു. ജൂണ്‍ 12 ന് കുവൈത്തില്‍ നിന്ന് വന്ന 46 വയസുകാരന്‍, ജൂണ്‍ 11 ന് കുവൈത്തില്‍ നിന്ന് വന്ന 23 വയസുകാരന്‍, മെയ് 30 ന് ദുബൈയില്‍ നിന്നെത്തിയ 26 വയസുള്ള സ്ത്രീ, മെയ് 31 ന് ദുബൈയില്‍ നിന്നെത്തിയ 49 വയസുകാരന്‍, ജൂണ്‍ 10 ന് കുവൈത്തില്‍ നിന്ന് വന്ന 39 വയസുകാരന്‍, ജൂണ്‍ ഒമ്പതിന് ബഹ്റൈനില്‍ നിന്ന് വന്ന 34 വയസുകാരന്‍, ജൂണ്‍ ഏഴിന് ദുബൈയില്‍ നിന്ന് വന്ന 47 വയസുകാരന്‍, മെയ് 30 ന് മഹാരാഷ്ട്രയില്‍ നിന്നും ബസിന് വന്ന 68 വയസുകാരന്‍, മെയ് 20ന് ടാക്സി കാറില്‍ വന്ന 51 വയസുകാരന്‍ എന്നിവര്‍ക്കാണ് കോവിഡ് പോസിറ്റീവായത്. ആര്‍ക്കും കോവിഡ് നെഗറ്റീവായിട്ടില്ല.

ജില്ലയില്‍ നിരീക്ഷണത്തിലുള്ളത് 3641 പേര്‍

വീടുകളില്‍ 3328 പേരും സ്ഥാപന നിരീക്ഷണത്തില്‍ 313 പേരുമുള്‍പ്പെടെ ജില്ലയില്‍ നിരീക്ഷണത്തിലുള്ളത് 3641 പേരാണ്. 476 പേരുടെ പരിശോധനാ ഫലം ലഭിക്കാനുണ്ട്. പുതിയതായി 94 പേരുടെ സാമ്പിളുകള്‍ പരിശോധനയ്ക്ക് അയച്ചു. 255 പേര്‍ നിരീക്ഷണ കാലയളവ് പൂര്‍ത്തിയാക്കി.

Keywords: kasaragod, news, Kerala, COVID-19, Trending, Top-Headlines, 9 covid positive cases in Kasaragod
  < !- START disable copy  paste -->