സംസ്ഥാനത്തെ മികച്ച യൂത്ത് ക്ലബ്ബിനുള്ള നെഹ്റു യുവ കേന്ദ്രയുടെ പ്രത്യേക ജൂറി പുരസ്‌കാരം ആസ്‌ക് ആലംപാടിക്ക്

തിരുവനന്തപുരം: (www.kasargodvartha.com 16.02.2020) മികച്ച യൂത്ത് ക്ലബ്ബിനുള്ള നെഹ്റു യുവ കേന്ദ്രയുടെ പ്രത്യേക ജൂറി പുരസ്‌കാരം ആസ്‌ക് ആലംപാടിക്ക്. നെഹ്റു യുവകേന്ദ്രയുടെ 2019-20 വര്‍ഷത്തെ മികച്ച യൂത്ത് ക്ലബിനുള്ള സംസ്ഥാനതല അവാര്‍ഡില്‍ പ്രത്യേക ജൂറി പുരസ്‌കാരത്തിന് ആലംപാടി ആര്‍ട്‌സ് ആന്‍ഡ് സ്പോര്‍ട് ക്ലബ്ബ് അര്‍ഹത നേടി.

2018 കാലയളവില്‍ ആരോഗ്യ-ജീവകാരുണ്യ, പ്രതിരോധ ബോധവല്‍ക്കരണം, പരിസ്ഥിതി സംരക്ഷണം, സാമൂഹിക-സന്നദ്ധ സേവനം, കലാ-കായിക പ്രവര്‍ത്തനം, ദേശീയ-അന്തര്‍ദേശീയ ദിനാചരണങ്ങള്‍,ലഹരി നിര്‍മാര്‍ജ്ജന പ്രവര്‍ത്തനം, തുടങ്ങിയ നിരവധി മേഖലകളില്‍ ക്ലബ് നല്‍കിയ സംഭാവനകളെ അംഗീകരിച്ച് കൊണ്ടാണ് പ്രത്യേക പുരസ്‌കാരത്തിന് അര്‍ഹതനേടിയത്. 2020 ഫെബ്രവരി 24ന് തിങ്കളാഴ്ച വൈകുന്നേരം 4 മണിക്ക് തിരുവനതപുരം അയ്യങ്കലി ഹാളില്‍ (വിജെടി ഹാള്‍) വച്ച് നടക്കുന്ന അവാര്‍ഡ് ദാന ചടങ്ങില്‍ ബഹുമാനപ്പെട്ട കേരള ഗവര്‍ണര്‍ ആരിഫ് മുഹമ്മദ് ഖാന്‍ ക്ലബിന് പുരസ്‌കാരം സമ്മാനിക്കും.


Keywords:  Thiruvananthapuram, Award, Winner, Club, Top-Headlines, News, Kerala, Alampadi, Arts and Sports Club, Special jury award, Special jury award for Alampadi Arts and Sports Club < !- START disable copy paste -->