സഹായ പദ്ധതികളുടെ മറവില്‍ അഴിമതിയെന്ന് പരാതി; പട്ടിക ജാതി-വര്‍ഗ ഓഫീസുകളില്‍ വിജിലന്‍സിന്റെ മിന്നല്‍ പരിശോധന

കാസര്‍കോട്:(www.kasargodvartha.com 11/01/2020) സഹായ പദ്ധതികളുടെ മറവില്‍ അഴിമതി നടക്കുന്നതായുള്ള പരാതി ലഭിച്ചതിന്റെ അടിസ്ഥാനത്തില്‍ പട്ടിക ജാതി-വര്‍ഗ ഓഫീസുകളില്‍ വിജിലന്‍സിന്റെ മിന്നല്‍ പരിശോധന. സംസ്ഥാന വ്യാപകമായി നടക്കുന്ന പരിശോധനയായ ഓപ്പറേഷന്‍ റൈറ്റ്സിന്റെ ഭാഗമായി കാസര്‍കോട് ബ്ലോക്ക് ഓഫീസിലും കാഞ്ഞങ്ങാട് ബ്ലോക്ക് ഓഫീസിലുമാണ് വിജിലന്‍സ് സംഘം പരിശോധന നടത്തിയത്.


ഭൂരഹിതരായ പട്ടിക ജാതി- വര്‍ഗ വിഭാഗക്കാര്‍ക്ക് നഗരസഭ, ബ്ലോക്ക് പഞ്ചായത്ത് എന്നിവ വഴി ഭൂമി വാങ്ങുന്നതിനും ഭൂമിയുള്ളവര്‍ക്ക് വീട്, പഠന മുറി എന്നിവ നിര്‍മ്മിക്കുന്നതിനും നല്‍കുന്ന സഹായ പദ്ധതിയുമായി ബന്ധപ്പെട്ട് വ്യാപകമായ അഴിമതി നടക്കുന്നുവെന്നാണ് പരാതി. പരിശോധന സംബന്ധിച്ച് വിജിലന്‍സ് ഡയറക്ടര്‍ക്ക് റിപ്പോര്‍ട്ട് സമര്‍പ്പിക്കും.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: News, Kasaragod, Kerala, Vigilance, Complaint,Vigilance inspection in offices