ഇത് വിശ്രമരഹിത പോരാട്ടത്തിന്റെ കാലം; കരിനിയമങ്ങള്‍ കടലിലെറിയുംവരെ ഒന്നായി പടയണി ചേരണമെന്ന് ടി ഇ അബ്ദുല്ല

By Web Desk - MainJan 27, 2020, 16:03 IST

നീലേശ്വരം: (www.kasargodvartha.com 27.01.2020) രാജ്യപുരോഗതിക്ക് യത്‌നിക്കേണ്ട ഭരണകൂടം രാജ്യവാസികളെ മതത്തിന്റെ പേരില്‍ ചേരിതിരിക്കാന്‍ ശ്രമിക്കുന്ന ഭീതിതമായ വര്‍ത്തമാനകാലത്ത്, പോരാട്ടം ഒഴിഞ്ഞ് വിശ്രമിക്കാനാകില്ലെന്നും കരിനിയമങ്ങള്‍ കടലിലെറിയുംവരെ ഒന്നായി പടയണി ചേരണമെന്നും മുസ് ലിം ലീഗ് ജില്ലാ ആക്ടിംഗ് പ്രസിഡണ്ട് ടി ഇ അബ്ദുല്ല പ്രസ്താവിച്ചു. കോട്ടപ്പുറം ബാഫഖി സൗധത്തില്‍ ചേര്‍ന്ന തൃക്കരിപ്പൂര്‍ നിയോജക മണ്ഡലം മുസ്ലിം ലീഗ് നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം.

ഇത് വിശ്രമരഹിത പോരാട്ടത്തിന്റെ കാലം; കരിനിയമങ്ങള്‍ കടലിലെറിയുംവരെ ഒന്നായി പടയണി ചേരണമെന്ന് ടി ഇ അബ്ദുല്ല

പ്രസിഡണ്ട് കെ എം ഷംസുദ്ദീന്‍ ഹാജി അധ്യക്ഷത വഹിച്ചു. ജനറല്‍ സെക്രട്ടറി അഡ്വ. എം ടി പി കരീം സ്വാഗതം പറഞ്ഞു. ജില്ലാ ജനറല്‍ സെക്രട്ടറി എ അബ്ദുര്‍ റഹ് മാന്‍ സംഘടനാ പരിപാടികള്‍ വിശദീകരിച്ചു. ജില്ലാ വൈസ് പ്രസിഡണ്ട് വി കെ പി ഹമീദലി, ലത്തീഫ് നീലഗിരി, റഫീഖ് കോട്ടപ്പുറം, പി കെ സി റഊഫ് ഹാജി, എ മുസ്തഫ ഹാജി, എന്‍ കെ പി മുഹമ്മദ് കുഞ്ഞി, സി കെ കെ മാണിയൂര്‍, ഇബ്രാഹിം പറമ്പത്ത്, ജാതിയില്‍ ഹസൈനാര്‍, ടി സി അബ്ദുല്‍ സലാം, ടി പി അഷ്‌റഫ് എന്നിവര്‍ പ്രസംഗിച്ചു.