City Gold
news portal
» » » » » » » » പൗരത്വ നിയമത്തിനെതിരെ പ്രതിഷേധിക്കാന്‍ കോളജ് അധികൃതര്‍ അനുമതി നല്‍കിയില്ല; കോളജിന് പുറത്ത് പ്രതിഷേധ പരിപാടി സംഘടിപ്പിച്ച് കെ എസ് യു

നീലേശ്വരം: (www.kasargodvartha.com 22.01.2020) പൗരത്വ നിയമത്തിനെതിരെ പ്രതിഷേധിക്കാന്‍ കോളജ് അധികൃതര്‍ അനുമതി നല്‍കാതിരുന്നതോടെ കോളജിന് പുറത്ത് പ്രതിഷേധ പരിപാടി സംഘടിപ്പിച്ച് കെ എസ് യു. പടന്നക്കാട് നെഹ്‌റു കോളജിലെ കെ എസ് യു പ്രവര്‍ത്തകരുടെ കൂട്ടായ്മയായ വയം നെഹ്‌റു ആണ് കോളജിന് പുറത്ത് പരിപാടി സംഘടിപ്പിച്ചത്. സംഘര്‍ഷ സാധ്യതയുണ്ടെന്നു ചൂണ്ടിക്കാട്ടി ഉച്ചയ്ക്കു ശേഷം കോളജിന് അവധിയും നല്‍കിയിരുന്നു. കെ എസ് യുവിന്റെ വിദ്യാര്‍ത്ഥി കൂട്ടായ്മയും പാട്ടുകൂട്ടവും ഉള്‍പ്പെടുന്ന പരിപാടി 14 ന് കോളജില്‍ നടത്താനാണ് ആദ്യം തീരുമാനിച്ചിരുന്നത്.

അന്നേ ദിവസം എസ് എഫ് ഐ നേതൃത്വം നല്‍കുന്ന കോളജ് യൂണിയനും പരിപാടി നിശ്ചയിച്ചതോടെ മാറ്റി വെക്കുകയായിരുന്നു. കോളജ് പ്രിന്‍സിപ്പാല്‍ അനുമതി നിഷേധിച്ചതോടെ കോളജിനു പുറത്ത് മുതിര്‍ന്ന കോണ്‍ഗ്രസ് നേതാവ് ഡോ. കെ. ഇബ്രാഹിം കുഞ്ഞിയുടെ ഉടമസ്ഥതയില്‍ പഴയ കേന്ദ്രസര്‍വകലാശാല ക്യാമ്പസ് പ്രവര്‍ത്തിച്ചിരുന്ന കെട്ടിടത്തിന്റെ മുറ്റത്താണ് പരിപാടി നടത്തിയത്. ഗായകന്‍ കെ എസ് ഹരിശങ്കര്‍ പരിപാടി ഉദ്ഘാടനം ചെയ്തു. എസ് ആതിര അധ്യക്ഷത വഹിച്ചു. ജ്യോതിഷ്, ഋഷിരാജ്, ടോംസി തോമസ് എന്നിവര്‍ പ്രസംഗിച്ചു.

അതേസമയം അനുമതി ആവശ്യപ്പെട്ടെത്തി പ്രിന്‍സിപ്പലിനോട് അപമര്യാദയായി പെരുമാറിയെന്നാരോപിച്ച് കോളജ് യൂണിയന്‍ വൈസ് ചെയര്‍പേഴ്സണും ബി എ ഇക്കണോമിക്സ് അവസാന വര്‍ഷ വിദ്യാര്‍ത്ഥിനിയുമായ എസ് ആതിരയെ 10 ദിവസത്തേക്ക് കോളജില്‍ നിന്നു സസ്പെന്‍ഡ് ചെയ്തിട്ടുണ്ട്.



(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, Neeleswaram, College, Top-Headlines, No permission; KSU conducted CAA protest out of college
  < !- START disable copy paste -->   

About Kasargodvartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date