സ്വാതന്ത്ര്യത്തിനു വേണ്ടി പോരാടിയ സുഭാഷ് ചന്ദ്രബോസിന്റെ ജന്മദിനം കേന്ദ്ര- ബി ജെ പി ഭരണത്തിനെതിരായ പ്രതിഷേധ ദിനമായി എല്‍ ഡി എഫ് ആചരിക്കും

കാസര്‍കോട്: (www.kasargodvartha.com 21.01.2020) മതഭേതമില്ലാതെ മുഴുവന്‍ ജനങ്ങളേയും ഒന്നിച്ചു നിര്‍ത്തി സ്വാതന്ത്ര്യത്തിനു വേണ്ടി പോരാടിയ ഇന്ത്യന്‍ സ്വാതന്ത്ര സമരത്തിന്റെ ഐതിഹാസിക നേതൃത്വമായിരുന്ന നേതാജി സുഭാഷ് ചന്ദ്രബോസിന്റെ ജന്മദിനമായ ജനുവരി 23 ന് വ്യാഴാഴ്ച എല്‍ ഡി എഫ് നേതൃത്വത്തില്‍  കേന്ദ്ര- ബി ജെ പി ഭരണത്തിനെതിരായ പ്രതിഷേധ ദിനമായി ആചരിക്കുന്നു. അന്നേദിവസം വൈകുന്നേരം 4 മണിക്ക് ഏരിയാ കേന്ദ്രങ്ങളില്‍ നടക്കുന്ന പ്രതിഷേധ കൂട്ടായ്മ വിജയിപ്പിക്കണം.

എല്‍.ഡി എഫ് ജില്ലാ ജാഥ കടന്നു പോകുന്ന കാഞ്ഞങ്ങാട് ,നീലേശ്വരം, ചെറുവത്തൂര്‍ ,തൃക്കരിപ്പൂര്‍ എന്നീ നാല് ഏരിയകള്‍  ഒഴികെ ചുവടെ ചേര്‍ക്കുന്ന എട്ട് ഏരിയകളിലാണ് പരിപാടി സംഘടിപ്പിക്കുന്നത്. മജീര്‍പള്ളം (മഞ്ചേശ്വരം), ബംബ്രാണ (കുമ്പള ) കാസര്‍ഗോഡ് ടൗണ്‍ (കാസര്‍ഗോഡ്) കര്‍മ്മംതൊടി (കാറഡുക്ക ) കുറ്റിക്കോല്‍ (ബേഡകം) മേല്‍പറമ്പ് (ഉദുമ) മാലക്കല്ല് (പനത്തടി) നര്‍ക്കിലക്കാട് (എളേരി )
പ്രതിഷേധ കൂട്ടായ്മ വന്‍ വിജയമാക്കുവാന്‍ മുഴുവന്‍ ജനാധിപത്യ വിശ്വാസികളും രംഗത്തിറങ്ങണമെന്ന് അഭ്യര്‍ത്ഥിക്കുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, BJP, LDF, LDF will mark protest day on Subhash Chandra Bose's birthday 
  < !- START disable copy paste -->