ദുബൈയില്‍ ഹൃദയാഘാതംമൂലം മരിച്ച ഹാരിസ് പാണൂസിന്റെ മൃതദേഹം നാട്ടിലെത്തിച്ച് വന്‍ ജനാവലിയുടെ സാന്നിധ്യത്തില്‍ ഖബറടക്കി

കാസര്‍കോട്: (www.kasargodvartha.com 04.01.2020) ദുബൈയില്‍ ഹൃദയാഘാതംമൂലം മരിച്ച ചെങ്കള നാലാംമൈല്‍ റഹ് മത്ത് നഗര്‍ പാണൂസ് വില്ലയിലെ അബ്ദുല്‍ ഹാരിസ് പാണൂസിന്റെ മൃതദേഹം നാട്ടിലെത്തിച്ച് വന്‍ ജനാവലിയുടെ സാന്നിധ്യത്തില്‍ ഖബറടക്കി. ദുബൈയില്‍ നിന്നും എയര്‍ ഇന്ത്യ എക്‌സ്പ്രസില്‍ പുലര്‍ച്ചെ 5.15 മണിയോടെ മംഗളൂരു ബജ്‌പെ വിമാനത്താവളത്തിലെത്തിച്ച മൃതദേഹം 7.30 മണിയോടെയാണ് വീട്ടിലെത്തിച്ചത്. നൂറു കണക്കിനാളുകളാണ് മൃതദേഹം ഒരു നോക്കുകാണാനായി വീട്ടിലെത്തിയത്. ഒമ്പത് മണിയോടെ പാണാര്‍കുളം ജുമാമസ്ജിദ് ഖബര്‍സ്ഥാനില്‍ മൃതദേഹം ഖബറടക്കി.

വര്‍ഷങ്ങളായി ദുബൈയില്‍ വ്യാപാരം നടത്തിവരികയായിരുന്ന ഹാരിസിന്റെ മരണം സഹപ്രവര്‍ത്തകരെയും സുഹൃത്തുക്കളെയും ഒരുപോലെ കണ്ണീരിലാഴ്ത്തിയിരുന്നു. വ്യാഴാഴ്ച രാവിലെ വീട്ടില്‍നിന്ന് അസ്വസ്ഥത തോന്നിയതിനെ തുടര്‍ന്ന് ദുബൈയിലെ ആശുപത്രിയിലെത്തിച്ച ഹാരിസ് രാത്രി 7.30 മണിയോടെയാണ് മരണപ്പെട്ടത്.

പരേതനായ മുഹമ്മദ്കുഞ്ഞി- ബീഫാത്വമ ദമ്പതികളുടെ മകനാണ് ഹാരിസ്. ഭാര്യ: ഖമറുന്നിസ. മക്കള്‍: അസീര്‍, അഫ്‌നാസ്. സഹോദരങ്ങള്‍: ഫൗസിയ, സുലൈമാന്‍, അജീര്‍, സാജിദ്, നഈം.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, Dubai, Death, Haris panoos's dead body buried
  < !- START disable copy paste -->