അഞ്ചാം ക്ലാസ് വിദ്യാര്‍ത്ഥിനിയെ പീഡിപ്പിച്ച സ്‌കൂള്‍ പ്യൂണിനെതിരെ കേസ്

By Web Desk - MainJan 11, 2020, 19:58 IST

കാസര്‍കോട്: (www.kasargodvartha.com 11.01.2020) അഞ്ചാം ക്ലാസ് വിദ്യാര്‍ത്ഥിനിയെ പീഡിപ്പിച്ചുവെന്ന പരാതിയില്‍ സ്‌കൂള്‍ പ്യൂണിനെതിരെ പോലീസ് കേസെടുത്തു. പ്യൂണ്‍ ചന്ദ്രശേഖരനെതിരെയാണ് കാസര്‍കോട് ടൗണ്‍ പോലീസ് കേസെടുത്തത്. പീഡനത്തിനിരയായ വിദ്യാര്‍ത്ഥിനി വീട്ടിലെത്തി അസ്വസ്ഥത പ്രകടിപ്പിച്ചതിനെ തുടര്‍ന്ന് ചോദിച്ചപ്പോഴാണ് വിവരം പറയുന്നത്.

തുടര്‍ന്ന് ചൈല്‍ഡ് ലൈനിന് വിവരം കൈമാറുകയായിരുന്നു. ചൈല്‍ഡ് ലൈന്‍ നിര്‍ദേശ പ്രകാരം കാസര്‍കോട് ടൗണ്‍ പോലീസ് കേസെടുത്ത് അന്വേഷണം ആരംഭിച്ചു.