അപവാദം പറഞ്ഞുപരത്തിയെന്നാരോപിച്ച് മര്‍ദനം; പ്രതി അറസ്റ്റില്‍

By Web Desk - MainJan 2, 2020, 16:09 IST

നീലേശ്വരം: (www.kasargodvartha.com 02.01.2020) അപവാദം പറഞ്ഞുപരത്തിയെന്നാരോപിച്ച് 44 കാരനെ മര്‍ദിച്ച കേസില്‍ പ്രതിയെ പോലീസ് അറസ്റ്റു ചെയ്തു. ചാത്തമത്തെ എം ശരത്തിനെ (30)യാണ് നീലേശ്വരം എസ് ഐ രഞ്ജിത് രവീന്ദ്രന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. 2019 ഡിസംബര്‍ നാലിനാണ് കേസിനാസ്പദമായ സംഭവം നടന്നത്.

അപവാദം പറഞ്ഞുപരത്തിയെന്ന് ആരോപിച്ച് പൊടോത്തുരുത്തിയിലെ കൊട്ടന്റെ മകന്‍ ടി മധുവിനെ (44) ആക്രമിക്കുകയായിരുന്നു. പടന്നക്കാട് കാര്‍ഷിക കോളജ് ഫാമിലെ തൊഴിലാളിയാണ് ശരത്ത്.