മംഗളൂരു വെടിവെപ്പ്: പോലീസ് ഉദ്യോഗസ്ഥരോട് പ്രതികാരം ചെയ്യണമെന്ന് വാട്‌സ്ആപ്പ് പോസ്റ്റ്, യുവാവ് അറസ്റ്റില്‍

By Web Desk - MainDec 31, 2019, 20:40 IST

മംഗളൂരു: (www.kasargodvartha.com 31.12.2019) മംഗളൂരുവില്‍ പൗരത്വ ഭേദഗതി നിയമത്തിനെതിരെ പ്രതിഷേധിച്ചവര്‍ക്കു നേരെ പോലീസ് നടത്തിയ വെടിവെപ്പ് സംഭവവുമായി ബന്ധപ്പെട്ട് പോലീസ് ഉദ്യോഗസ്ഥരോട് പ്രതികാരം ചെയ്യണമെന്ന തരത്തില്‍ വാട്‌സ്ആപ്പ്, ഫേസ്ബുക്ക് അടക്കമുള്ള സോഷ്യല്‍ മീഡികളില്‍ പോസ്റ്റിട്ട യുവാവിനെ പോലീസ് അറസ്റ്റു ചെയ്തു. മംഗളൂരു പാണ്ഡേശ്വര്‍ സ്വദേശി മൊയ്തീന്‍ ഹഫീസാണ് അറസ്റ്റിലായത്.

പോലീസിനെതിരെ പ്രതികാരം ചെയ്യണമെന്ന പോസ്റ്റ് വ്യാപകമായി പ്രചരിച്ചിരുന്നു. ഇതിന്റെ അടിസ്ഥാനത്തിലാണ് പോലീസ് അന്വേഷണം നടത്തുകയും പോസ്റ്റിട്ടെന്ന് കണ്ടെത്തിയതിനെ തുടര്‍ന്ന് യുവാവിനെ അറസ്റ്റു ചെയ്യുകയും ചെയ്തത്.